Орано майнинг ХХК-ын эхний санхүүжилт 500 сая доллар

Оюу толгойгоос хойш гуравдагч хөрштэй хийж буй том гэрээ. Цаашлаад цөмийн эрчим хүч, атомын цахилгаан станц ашиглах эхлэл болно.Хөрөнгө оруулалтын гэрээндхэд хэдэн заалтыг тусгаж өгсөн. Тодруулбал тухайн жилийн орлого нь 51 хувь хүрээгүй бол хөрөнгө оруулагч талаас нэмэлт тохируулгыг хийж, энэ хувьд хүргэнэ. Гэрээний танилцуулгыг ҮАБЗ-д хийсэн. Төслийн нийт үр өгөөжийн хувьд, АМНАТ, давуу эрхийн ногдол ашиг, Ногдол ашгийн суутган татвар, Тогтвортой хөгжлийн арга хэмжээ, дэмжлэгүүд, Гаалийн  татвар, тусгай зөвшөөрлийн  татвар зэрэг багтана. Эхний санхүүжилтээр 500 сая долларыг хөрөнгө оруулагч тал гаргана гэж мэдэгдсэн. Мөн нөгөө талаас 27 татвар тогтворжуулах санал тавьсан ч бид дөрвөн татварыг тогтворжуулаад байна. Гурван жил тутамд байгаль орчны аудитыг хийлгэж, нөхөн сэргэлтийн төлөвлөгөөг таван жил тутамд хийнэ. Хөрөнгө оруулагч тал аймаг, сумын Засаг дарга нартай гурван талт гэрээ байгуулна. Уурхай олборлолтын үед нийт ажилчдын 90-ээс дээш хувь нь монгол иргэн байна. Монгол ажилчдын таваас дээш хувь нь тухайн сумын иргэн байна. Туслан гүйцэтгэгчийн 60 хувиас доошгүй нь монгол компани байна. Цөмийн энергийн хуулиар 20 жилээр гэрээ байгуулахаар болсон. Татвартай холбоотой маргаан үүсвэл арбитрт хандахгүйгээр дотоодын шүүхээр шийдвэрлэнэ гэсэн заалтуудыг хөрөнгө оруулалтын гэрээнд тусгаж өгсөн гэдгийг ЗГХЭГ-ын дарга Н.Учрал мэдэгдсэн юм.