Тусгай Сангуудийн авлага 760 тэрбумд хүрсэн байна

Засгийн газар нь нийт 27 тусгай сантай. Үүнээс 13 нь өөрийн хуультай бол бусад 14 сан сайдын журам, тушаал, зөвлөлөөс гарсан шийдвэрийн хүрээнд захиран зарцуулдаг байна. Одоогийн байдлаар дараах сангуудийн өр авлага хуримтлагдаад байгаан байна

Үүнд Хөдөлмөр эрхлэлтийг дэмжих сан, Боловсролын зээлийг дэмжих сан, Жижиг дунд үйлдвэрлэлийг хөгжүүлэх сангийн өр авлага 760 тэрбум төгрөгт хүрчээ.Тодруулбал, Жижиг, дунд үйлдвэрлэлийг хөгжүүлэх сангийн авлага 228.9 тэрбум төгрөг бол Боловсролын зээлийн сангийн авлага 209 тэрбум, Хөдөө аж ахуйг дэмжих сангийн өр авлага 153 тэрбум, үлдсэн нь Хөдөлмөр эрхлэлтийг дэмжих сангийн авлага юм. Мөн УИХ-аас Засгийн газарт дээрх сангуудын авлага болон зээлийг бууруулах даалгаврыг 2025 оны нэгдүгээр улиралд багтаан гүйцэтгэх чиглэл өгсөн. Энэ хүрээнд УИХ-аар ирэх оны төсвийг хэлэлцэн батлахдаа Засгийн газрын тусгай сангуудын санхүүжилтийг нэмэгдүүлдэг байсныг 2025 оны төсөв батлах үеэр хязгаарлаж, эх үүсвэрийг бууруулсан.

Тухайлбал, Боловсролын зээлийн сангийн санхүүжилтийг 17.5 тэрбум төгрөгөөр бууруулан баталсан. Өнөөдрийн байдлаар Засгийн газрын харьяанд

• Байгаль орчин, уур амьсгалын сан;
• Боловсролын зээлийн сан;
• Бүх нийтийн үйлчилгээний үүргийн сан;
• Гэмт хэргийн хохирогчид нөхөн төлбөр олгох сан;
• Жижиг, дунд үйлдвэрийг хөгжүүлэх сан;
• Засгийн газрын нөөц сан;
• Зэвсэгт хүчний хөгжлийн сан;
• Ирээдүйн өв сан;
• Кино урлагийг дэмжих сан;
• Мэргэжлийн боловсрол, сургалтыг дэмжих сан;
• Нийгмийн даатгалын сан;
• Нийгмийн халамжийн сан;
• Соёл, урлагийг дэмжих сан;
• Спортыг дэмжих сан;
• Төсвийн тогтворжуулалтын сан;
• Улсын авто замын сан;
• Хилийн чанадад байгаа Монгол Улсын иргэдэд туслах сан;
• Хөдөлмөр эрхлэлтийг дэмжих сан;
• Хөдөө аж ахуйг дэмжих сан;
• Шинжлэх ухаан, технологийн сан;
• Эрүүл мэндийг дэмжих сан;
• Эрүүл мэндийн даатгалын сан;
• Өргөн нэвтрүүлэг хөгжүүлэх сан;
• Хүүхдийн төлөө сан;
• Архидан согтуурахтай тэмцэх, урьдчилан сэргийлэх үйл ажиллагааг дэмжих сан зэрэг 25 сан ажиллаж байна.