Сайд нарыг УИХ-ын чуулганд оролцуулдаг тогтоол батална
Энэ долоо хоногийн Мягмар гаригт УИХ-ын Ёс зүй, дэгийн байнгын хороо хуралдах товтой байна. Тус байнгын хорооны хуралдаанаар Ерөнхий сайд, Засгийн газрын гишүүнээр томилогдсон УИХ-ын гишүүн чуулганы ажиллагаанд оролцох журам батлах тухай тогтоолын төслийг хэлэлцэнэ.
Учир нь УИХ-ын чуулганы хуралдааны ирц бүрдүүлэх нь УИХ-ын дарга, намын бүлгийн дарга нарын хувьд зовлон болсон. Тиймээс Ёс зүй, дэгийн байнгын хорооноос уг асуудлыг хэлэлцэж сайд нарыг чуулганд оролцох журмыг батлах юм байна.
Уг нь бол Засгийн газрын гишүүдийн тухайд УИХ-ын гишүүний үндсэн үүргээ биелүүлэхийг заавал тогтоолоор баталгаажуулах шаардлагагүй баймаар. Гэтэл тэд сайдын албан тушаалаа илүүд үздэг нь нууц бишээ. Тиймээс арга ядахдаа УИХ-аас тогтоол гаргаж зохицуулах нээ.
