Хөдөлмөрийн хөлсний доод хэмжээ маргааш өдрөөс 792 мянга төгрөг болно

Гэр бүл, хөдөлмөр, нийгмийн хамгааллын яам, Монголын Үйлдвэрчний Эвлэлийн холбоо, Монголын Ажил олгогч, эздийн холбоодын хамтарсан Хөдөлмөр, нийгмийн түншлэлийн үндэсний хорооны хурлаар хөдөлмөрийн хөлсний доод хэмжээг 2025 оны дөрөвдүгээр сарын 1-нээс эхлэн 20 хувь буюу 792 мянган төгрөг болгож нэмэгдүүлэх шийдвэр гаргасан.

Тодруулбал, одоогийн мөрдөж буй хөдөлмөрийн хөлсний доод хэмжээ болох 660 мянган төгрөгийг амьдрах зардалд хүрэлцээ муутай гэж үзсэн юм. Тиймээс 2025 оны дөрөвдүгээр сарын 1-нээс эхлэн хөдөлмөрийн хөлсний доод хэмжээ 20 хувь нэмэгдэж 792 мянган төгрөг болно.Дээрх хурлаар 2026 оноос хөдөлмөрийн хөлсний доод хэмжээг 1 сая төгрөгт хүргэх талаар санал гаргасан билээ.