УИХ-ын Намрын ээлжит чуулган энэ сарын 16-ны өдөр завсарлана

Өнгөрсөн аравдугаар сарын 01-ний өдөр эхэлсэн УИХ-ын намрын чуулган энэ сарын 16-нд завсарлана. УИХ-ын тухай хуулийн дагуу УИХ-ын ээлжит чуулган 75 хоног хуралдах ёстой байдаг. Тэгвэл 2024 оны сонгуулийн үр дүнгээр бүрэлдсэн анхны 126 гишүүнтэй УИХ анхны намрын чуулганы хугацаанд 2025 оны төсвийн төслийг хэлэлцэн баталлаа.

Мөн олон жил гацсан Гашуунсухайт-Ганмодны төмөр замыг холбох ажлыг эхлүүлэх УИХ-ын тогтоолын төслийг баталж, Ураны төслийн хөрөнгө оруулалтын гэрээг хэлэлцэж эхэлсэн.