Сонгууль гээд улстөрчид тойргоо тордоод ухаан алга
Сонгуулийн жилийг ч хэлэх үү, УИХ-ын гишүүд тойргоо тордоод, өдийд хуралдаа ч суухаа больсон цаг. Цагаан сарыг угтаад, малчид, ахмадууд гээд хөдөө орон нутгийнхаа санал өгдөг найдвартай хэдэх түншүүддээ "хайр" зарлаад, гарын "жул" бэлгээр саналыг нь булаах тактик нь хэдийнэ эхэлсэн гэнэ лээ. Зарим нь томсгосон тойрог болгосны сургаар ахмад улстөрчидөө халгаж, хотгоод, тойргийнхоо цэвэрлэгээг хийлгээд сууж байна гэнэ.
Тэгвэл томсгосон тойрогт АН, МАН-аас нэр дэвших хүмүүс ч эхнээсээ тодроод эхэлжээ. Өдгөө албан ёсоор нэр дэвших хүмүүсийн нэрс эцсийн байдлаар албажих болоогүй тул таамаг дэвшүүлсэн төдий.
Тухайлбал УИХ-ын дарга Г.Занданшатар Чингэлтэйг базаж, нутгийн дүү нарыгаа халаасандаа хийгээд тойргоо тордоод, иргэддээ өөрийгөө дасгаад эхэлчихсэн. Харин нөгөө талд улстөрчдийн хамгийн их шунадаг Сонгинохайрхан дүүргийг Н.Учрал, П.Анужин, Ч.Номин, Б.Жаргалмаа тэргүүтэй хүмүүс нийлж базахаар зэхсэн сурагтай. Үүн дээр нэмээд олон жижигхэн толгойтууд дагаар орох нь тодорхой хэрэг.
Энэ удаад эрх баригч нам баахан хулгайн хэрэгт холбогдсоноосоо болоод нийслэл бус хөдөө орон нутгийг "дайлаар мордоно" гэж тун бардам шулуудсан шум тархаад удаж буй. Үүнийг батлах гэсэн шиг ХҮН нам урдаа барих ганц тодотголтой сэхээтнүүдээ ил гаргаж, дүүргүүдийн хуваарилалтаа хийгээд эхэлчихсэн. Зарим хүний нэрийг хулгайгаар барьж, намынхаа пи-арыг өлхөн хийж яваа.
