“Single’s Inferno” шоуны халуухан бүсгүйчүүдийн талаарх сонирхолтой баримтууд

Өмнөд Солонгосын Single’s Inferno” болзооны реалити шоу үзэгчдэд нийт 3 улирлын дугаарыг хүргээд байна. Халуухан, ганц бие, царайлаг оролцогчдын дунд ширүүхэн өрсөлдөөн, өөрт таалагдсан хүнээ өөрийн болгож авах болзооны төлөөх сонирхолтой үйл явдлаар дүүрэн тус шоу амжилттай өндөрлөлөө. 

Тамын арлаас хосоо олж, диваажинд очин тансаг буудалд байрлаж, хостойгоо амттай болзоо өрнүүлэх ту шоуны энэ удаагийн дугаар үзэгчдийг алмайруулж, гайхшруулсаар дуусав. Өмнөх дугаараасаа ялгарсан нь хоёр там бий болгож, илүү олон оролцогчдыг хамруулж чаджээ. 

Тиймдээ ч оролцогчдын дунд адал явдал, сонирхолтой өрнөл өрнөсөөр дуусав. Тэгвэл гурав дахь улирлын халуухан оролцогчид болох бүсгүйчүүдийн хувийн амьдралын талаарх сонирхолтой баримт хүргэж байна. 

Ким Гю Ри /Хүйтэн хөндий ч хамгийн халуухан нь/

 

• Нас: 28
• Instagram: @citruszl

Ким Гю Ри модель хийдэг бөгөөд 2022 оны Солонгосын миссийн тэмцээнд өрсөлдөж байсан удаатай. Гю Ри эрэгтэй хүнээс юун түрүүнд боловсон занг нь хардаг гэсэн бөгөөд таалагдсан хүнийхээ ярианд инээдтэй биш байсан ч инээж, хариу үйлдэл үзүүлэх байдлаар анхаарлыг нь татдаг байна. Гю Ри өөрийгөө “Дотно хүмүүстэйгээ тэс өөр хүн шиг байдаг” хэмээн тодорхойлсон ба эргээд “Single’s Inferno”-д оролцох боломж гарвал илүү нээлттэй байж хүмүүстэй хурдан дотносох байсан хэмээн хариулжээ.

Түүний сонирхлын нэг нь “Harry Potter” цуврал билээ. Түүнчлэн тэрээр Winter нэртэй өөрийн муурыг тэжээдэг бөгөөд өхөөрдөм муурынхаа @winter_cat___ хэмээх Instagram хаягийг хөтлөн явуулдаг билээ.

Юн Ха Жон /шударга, халуухан, ялдам/

• Нас: 26
• Instagram: @hi__jjeong2

Эсрэг хүйстнээ эрүүгээ доошлуулан харцаараа цоо ширтэх, сээтгэнэлийн шилдэг аргатай Юн Ха Жон шулуун шударга зангаараа үзэгчдийн хайр хүндэтгэлийг хүртээд буй. Эрчүүдийг найрах шилдэг арга гэж ихэнх нь үзэж, өхөөрдөж байгаа ч зарим нь дургүйцлээ илэрхийлж шүүмжлээд авсан. Тэрээр Leaders энтертейнментэд харьяалагддаг модель төдийгүй 2021 оны Miss Chunhyang миссийн тэмцээнд оролцож дөрөвдүгээр байр эзэлж байжээ. Miss Chunhyang тэмцээнд Хан Жоноос гадна “Single’s Inferno”-гийн нэгдүгээр улирлын оролцогч Шин Жи Ён болон хоёрдугаар улирлын оролцогч Сил Ки нар өрсөлдөж байжээ. 

 Чүэ Хе Сон / ухаалаг, шударга, нээлттэй/

• Нас: 26
• Instagram: @hazelchoiii

Чүэ Хе Сон Дэлхийн шилдэг 100 сургуулийн нэгт ордог, Durham их сургуульд өгөгдлийн шинжлэх ухаан болон биоинформатикийн мэргэжлээр магистраар суралцаж буй. Суралцахынхаа хажуугаар Хе Сон модель хийдэг бөгөөд Andar, 29CM, Roundlab, Nature Republic брэндийн зураг авалтад оролцож байсан туршлагатай билээ. Мөн тэрээр үнэт цаасны NH Investment компанийн телевизийн сурталчилгаанд тоглож байжээ. Бас болоогүй гуравдугаар улирлын эмэгтэй оролцогчид дундаас хамгийн ухаалаг, хэрсүүгээр тодорсон. 

Ю Ши Үн /эгдүүтэй, хараа булаам/

• Нас: 27
• Instagram: @yoo_si

Ю Ши Үн Yeonsung их сургуульд нисэхийн удирдлага мэргэжлээр суралцаж төгсжээ. Мөн л Солонгосын миссийн тэмцээнд оролцож хоёрдугаар байр эзэлсэн байна. Өдгөө моделийн карьераа хөгжүүлэн ажиллаж байгаа тэрээр Kimmisook хуримын даашинзны брэнд, bntnews загварын сэтгүүл болон бусад гоо сайхан, үнэт эдлэлийн брэндтэй хамтран ажилладаг. 

Чо Мин Жи /өхөөрдөм, аальгүй, ичгүүргүй/

• Нас: 26
• Instagram: @joymingzi_

Чо Мин Жи  Солонгосын топ их сургуулиудын нэгт ордог Ehwa эмэгтэйчүүдийн их сургуульд эдийн засгийн мэргэжлээр суралцдаг байна. Мөн хичээлийнхээ хажуугаар анкор болохоор бэлдэж буй. Тэрээр 2021 оны Солонгосын миссийн тэмцээнд гуравдугаар байр эзэлж байжээ. Тус тэмцээний ялагчаар “Single’s Inferno”-гийн хоёрдугаар улирлын оролцогч Чүе Со Үн тодорч байжээ.

Ан Мин Ён /нээлттэй, шударга, тууштай/

• Нас: 26
• Instagram: @my_floria_

Ан Мин Ён нь Inpilates нэртэй өөрийн гэсэн пилатисын студийг ажиллуулдаг. Тэрээр пилатис багшлахынхаа хажуугаар модель хийдэг бөгөөд 2023 оны Бусаны миссээр өргөмжлөгдөж байжээ. Тэрээр эсрэг хүйстнийхээ хошин мэдрэмжид хамгийн их татагддаг гэсэн ба саадгүй хөврөх харилцан яриаг илүүд үздэг байна.