Гавьяат тамирчин Д.Оюунболд агсны гэр бүлд хүндэтгэл үзүүллээ
“Москва-1980” олимпын хүрэл, “Мехико-1978” ДАШТ-ий хүрэл медальт, Монгол Улсын аварга шалгаруулах тэмцээнд хамгийн олон буюу 12 удаа түрүүлсэн Сэлэнгэ нутгийн унаган хүү, гавьяат тамирчин Д.Оюунболд агсны нэрэмжит чөлөөт бөхийн 2025 оны УАШТ нийслэл хотноо болж байна.
Энэ сарын 20-ны өдөр болсон тус тэмцээний нээлтийн үеэр Сэлэнгэ аймаг, Монголын чөлөөт бөхийн холбооноос Д.Оюунболд агсны гэр бүлд хүндэтгэл илэрхийллээ.
Мөн Д.Оюунболд агсны үүсгэн байгуулсан “Хангай” клубийн үе үеийн тамирчдын төлөөлөл багшийнхаа гэр бүлд мөн хүндэтгэл илэрхийллээ.
Энэ удаагийн УАШТ-д Сэлэнгэ, Дархан-Уул, Орхон, Төв, Өвөрхангай, Баянхонгор аймгийн тамирчид оролцож байна.
Нээлтийн энэ өдөр улсын аварга шалгаруулах тэмцээнийн долоон жингийн медалийн төлөөх барилдаанууд боллоо.
