Өмгөөлөгч Г.Батбаяр агсны охин Б.Ариунзаяа: Би шантаажчны хэрэгт орооцолдчихсон, надаас 10 саяыг авсан

Өчигдөр буюу \2025.01.22\ Сүхбаатар дүүргийн Цагдаагийн 1-р хэлтэст өмгөөлөгч Г.Батбаяр агсны охин Б.Ариунзаяаг саатуулж, байцаалт авсан. Тодруулбал, түүнийг 17:20 цагийн орчимд  Баянгол зочид буудлын баруун талд Хүүхдийн пионерын ордны уулзварын зам дээр зорчиж явахад нь цагдаа нар саатуулж улмаар цагдаагийн хэлтэст авчирч байцаалт авсан бөгөөд албан ёсны өмгөөлөгч нь байхгүй мөн байцаалт авсан мөрдөгчөөс татгалзсан учраас байцаалтыг дуусгасан. Үүний дараа Г.Ариунзаяагаас ярилцлага, тодруулга авах гэсэн боловч өмгөөлөгч маань байхгүй, тэгээд ч би айж сандарсан байна, олон зүйл ярьмааргүй байна гээд дараах товч тодруулгыг өглөө.

 

• Таныг ямар хэрэгт буруутгаж, байцаалт авч байгаа юм бэ?
• Би нэг бичлэг л харуулъя. Аав намайг ийм юман дээр битгий ярьж бай, дараа нь мушгичихдаг гэдэг байсан. /Бичлэг үзүүлэв.сурв/. Үүн дээр ингэж хэлж байгаа юм, "Ардчилсан намын хүүхэд байна, Ардын намын өмгөөлөгч аваад сайхан чанаадхаач наадхаа" гэж байгаа байхгүй юу. Ингээд би ийм шантаажчны хэрэгт орчихсон. Тэгээд энэ охин “Чи одоо кофены охин ш дээ. Чамайг намайг зодсон гээд телевиз дуудаад яриа өгөхөд хэн чамд итгэх юм гэсэн. Улмаар ээж, эгчтэйгээ нийлж намайг шантаажилж байгаад мөнгө авсан.
• Хэдийг?
• 10 саяыг авсан. Долоо хоногийн өмнө би “Аавыгаа алдчихаад оршуулганд нь чамаас болоод очиж чадаагүй. Одоо ч Монголдоо очиж чадахгүй байна гээд уйлаад ярьсан чинь, дахиад 10 саяыг өгчих гэсэн. Тэгээд би хүрээд ирсэн”.

 

Цагдаагийн байгууллагаас хэрэг явдлын талаар тодруулахад "Иргэн А-г бусдын биед хохирол учруулсан" гэх хэрэгт холбогдуулан яллагдагчаар татаж, мөрдөн шалгах ажиллагааг явуулж байгаа. Яллагдагч А нь шалгалтын явцад оргон зайлсан тул эрэн сурвалжилж, өнөөдөр буюу 2025 оны 01 сарын 22-ны өдөр олж тогтоон мэдүүлэг авах, дуудан ирүүлэх хуудас өгөх зорилгоор Сүхбаатар дүүргийн цагдаагийн 1-р хэлтэст авчирсан.

Яллагдагч А нь тогтоосон хугацаанд өөрийн өмгөөлөгчтэй мэдүүлэг өгөхөөр болж цагдаагийн хэлтсээс явсан” гэсэн тайлбарыг өглөө.

 

М.Энхсайхан