Экс гишүүн Б.Баярсайхан Гэр бүл, хүүхэд хамгааллынн газрын дарга болно гэв үү?

УИХ-ын сонгуульд бүдэрсэн УИХ-ын экс гишүүд эхнээсээ Элчин сайд, консул, зөвлөх гэсэн албан тушаалуудад томилогдож буй. Тэгвэл энэ удаад УИХ-ын гишүүн асан Б.Баярсайхан Засгийн газрын хэрэгжүүлэгч агентлаг Хүүхэд Гэр Бүлийн хөгжил, хамгааллын ерөнхий газрын дарга болохоор санаархаж байгаа аж.

Тус газрын даргын томилгоо сүүлийн жилүүдэд маш их улс төр дагуулах болсон. Энэ нь зарим талаараа гишүүн асан Б.Баярсайхантай холбоотой гэх нь ч бий. Ямартай ч цөөнгүй жил даргын үүргийг түр орлон гүйцэтгэгчтэй үйл ажиллагаа явуулсан Хүүхэд Гэр Бүлийн Хөгжил, Хамгааллын Ерөнхий Газрын даргаар өнгөрөгч 4-р сард Т.Ихтамир хэмээх бүсгүй томилогдсон байдаг. Хөдөлмөр, нийгмийн хамгааллын сайд асан Х.Булгантуяагийн томилгоо гэсэн үг.

Т.Ихтамирын тухайд хуульч, эрхзүйч мэргэжилтэй, Хүний Эрхийн Үндэсний Комисст Гомдол, хяналт шалгалтын хэлтсийн дарга, Нийслэлийн Өмгөөлөгчдийн зөвлөлийн дарга зэрэг алба хашиж байсан ажил, мэргэжлийн туршлагатай бүсгүй аж.

Гэтэл арайхийж жигдэрч байсан тус газрын даргаар экс гишүүн Б.Баярсайхан томилогдох сургаар салбарынхан нь Засгийн газарт өргөх бичиг барихаар тохиролцоод байгаа гэдгийг эх сурвалж хэллээ.

Хүүхэд Гэр Бүл хөгжил хамгааллын салбар нь нийслэлийн 9 дүүрэг болон 21 аймагт салбар нэгжтэйгээр үйл ажиллагаагаа явуулдаг том бүтэц юм.