Танилц: НИТХ-ын “давхар дээлтэй” төлөөлөгчид!

Өнгөрсөн оны 10-р сард орон нутгийн ээлжит сонгуулиар НИТХ-д 45 төлөөлөгч сонгогдсон. Тус 45 мандатын 40-ийг нь МАН авсан бол үлдсэн 5-ыг нь АН авсан байдаг. Үүнээс хойш НИТХ-ын төлөөлөгчид ээлж, дараалал нийслэлийн харьяа газруудад томилогдох болсон. Тэгвэл өнөөдрийн байдлаар нийт 26 төлөөлөгч давхар дээлтэй болоод байна.

Тодруулбал,

1. Т.Даваадалай -  Нийслэлийн Засаг даргын нэгдүгээр орлогч
2. А.Амартүвшин - Нийслэлийн Засаг даргын хоёрдугаар орлогч
3. Г.Ууганбаяр - Нийслэлийн Засаг даргын Агаар, орчны бохирдлын асуудал хариуцсан зөвлөх
4. Н.Мандуул - Чингэлтэй дүүргийн Засаг дарга

   

    

5. Ө.Сумъяабаатар - Баянгол дүүргийн Засаг дарга
6. М.Алтангэрэл - Сүхбаатар дүүргийн Засаг дарга

   

    

7. Ц.Баттөр - Сонгинохайрхан дүүргийн Засаг дарга
8. Г.Жаргалсайхан - Баянзүрх дүүргийн Засаг дарга
9. Д.Наянбаяр - Налайх дүүргийн Засаг дарга
10. Б.Цэрэн - Хан-Уул дүүргийн Засаг дарга
11. С.Даваасүрэн - Багануур дүүргийн Засаг дарга
12. Г.Батзориг - Улаанбаатар хотын Ерөнхий менежер бөгөөд ЗАА-ны дарга 
13. Ж.Сандагсүрэн - Улаанбаатар хөгжлийн корпораци ХК, Гүйцэтгэх захирал
14. З.Төмөртөмөө - Улаанбаатар орон сууцжуулалт ХХК, Гүйцэтгэх захирал
15. Ц.Төрхүү - Улаанбаатар хотын ус сувгийн удирдах газар, ОНӨААТҮГ-ын дарга
16. Ж.Энхжаргалан -  Төв цэнгэлдэх хүрээлэн, Гүйцэтгэх захирал
17. Б.Ану-Үжин - СДМЭХ-ын Нийслэлийн салбар холбооны дарга
18. Л.Хосбаяр - “Бүтээмжийн менежер” /Нийслэлийн Засаг даргын орлогчийн статустай/
19. Д.Бадарсан - “Бүтээмжийн менежер” /Нийслэлийн Засаг даргын орлогчийн статустай/
20. Л.Ариунтуяа - Соёлын Төв Өргөөний дарга
21. Ч.Мэндбаяр - Орон сууц нийтийн аж ахуйн удирдах газар ОНӨААТҮГ дарга
22. Б.Мягмар - “Эмээлт эко аж үйлдвэрийн парк” ХК-ийн гүйцэтгэх захирал
23. Ү.Оюунзул - Гэрлэх ёслолын ордны захирал
24. Д.Ундармаа - Нийслэлийн Жижиг дунд үйлдвэр, үйлчилгээг дэмжих төв НӨҮГ-ын дарга
25. Б.Хуягбаатар - Зорчигч тээвэр нэг ОНӨААТҮГ-ын захирал
26. Б.Эрдэнэсүх - Сүхбаатар дүүргийн 16-р хорооны Засаг дарга зэрэг болно.

Нэг үгээр хэлбэл дээрх 26 төлөөлөгч бүгд Нийслэлийн засаг дарга Х.Нямбаатарын удирдлаганд ажиллаж буй дарга статустай нийслэлийн төлөөлөгчид.

Эндээс дүгнэвэл НИТХ-ын төлөөлөгчдийн талаас илүү хувь нь баталсан төсвөө өөрсдөө захиран зарцуулна гэсэн үг. Ингэснээр хяналт, хариуцлагын тогтолцоо хэрэгжих боломжгүй болж байгаа юм. Өөрөөр хэлбэл нийслэлийн төсвийг захиран  зарцуулчихаад Нийслэлийн Иргэдийн Хурал дээр орж ирээд төсвийг үр өгөөжтэй зарцуулах тухай ярих нь өөрөө “парадокс” юм.