Өнөөдөр болох үйл явдлын тойм:
9:00-12:00 цагт: ШУА-ийн Физик, Хими технологийн хүрээлэнгээс “Квантын шинжлэх ухаан, технологийн олон улсын жил-2025” хурлыг ШУА-ийн төв байрны их чуулганы танхимд зохион байгуулна.
9:00 цагт: Стандарт, хэмжил зүйн салбарын удирдах ажилтны зөвлөгөөн “Блю скай” зочид буудалд болно. Зөвлөгөөнд Шадар сайд С.Амарсайхан, СХЗГ-ын дарга С.Батбаатар, Бүсчилсэн хөгжлийн үндэсний хүрээлэн, ТАЗ, АТГ, СЗХ, Удирдлагын академи, АЕГ, Нийслэлийн Прокурорын газраас оролцож илтгэл тавина. Утас: 99006045
10:00-12:00 цагт: Хавдрын эсрэг дэлхийн өдөр. Олон нийтийн хавдрын талаарх мэдлэгийг дээшлүүлэх, урьдчилан сэргийлэх, илрүүлэх, эмчлэхийг дэмжихээр УХТЭ "Хоол боловсруулах замын эрхтний хавдраас сэргийлье” нээлттэй хаалганы өдөрлөгийг Үндэсний оношилгоо эмчилгээний төвийн I давхарт зохион байгуулна.
УИХ-ын Байгаль орчин, хүнс, хөдөө аж ахуйн байнгын хорооноос “Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл’’ерөнхий хяналтын сонсголыг Төрийн ордонд хоёр дахь өдрөө зохион байгуулна.
Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн гуравдугаар сарын 12-ныг хүртэл Чингис хаан Үндэсний музейд үргэлжилнэ.
Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс Татварын ерөнхий газарт хүлээн авч байна.
Соёл урлагийн шилдгүүдийг шалгаруулах “Мөнгөн мод-2025” наадамд нэр дэвшигчдийн бүртгэлийг энэ сарын 3-7-нд хүлээн авна.
“Амар байна уу” үзэсгэлэн худалдаа “Соёолж молл” болон “Их наяд” худалдааны төвд энэ сарын 27-ныг дуустал үргэлжилнэ.
Орон нутагт:
-Завхан аймгийн 2025 оны өсвөр үеийн аймгийн аварга шалгаруулах тэмцээн энэ сарын 1-нээс 16 төрлөөр Улиастайд эхэллээ. Эдгээр тэмцээн зургаадугаар сарын 1 хүртэл хуваарийн дагуу үргэлжилнэ.
Дундговь аймгийн Дэрэн суманд Тэмээний баяр зохион байгуулна.
Хилийн чанадад:
-Монгол хэл, бичиг үзэсгэлэнг Тайвань, БНСУ-ын Сөүл, Япон улсын Токио хотод энэ сарын 15-наас 2 дугаар сарын 25-нд зохион байгуулна.
