“F4” киноны жүжигчин Ким Хён Жун, MC Sniper, Bloo нар дуучин Vandebo, Чойжоо нартай хамтран Монголд тоглолт хийнэ
Солонгосын алдарт дуучин, “F4” киноны жүжигчин Ким Хён Жун, MC Sniper, Bloo нар Монголд тоглолтоо хийх гэж байгаагаа мэдэгдлээ. Тодруулбал, дээрх дуучид Чойжоо, Vandebo хамтлагтай хамтран Гэгээн валентины өдөрт зориулсан тоглолтоо хийх юм.
Хоёрдугаар сарын 17-нд “Буянт-Ухаа” спорт цогцолборт болох энэхүү тоглолт нь энэ жилийн Валентиний баярын хамгийн том фестиваль гэдгээрээ онцлог. Уг тоглолтыг Монгол, Солонгосын соёлын харилцааны хүрээнд зохион байгуулж байгаа аж. “Your Valentine” нэртэй уг тоглолтын тасалбар худалдаалагдаж эхэлжээ.
Солонгосын К-поп оддын хамгийн том төлөөлөл болох Bloo 2016 онд Tony нэртэй анхны микстэйпээ гаргаж байжээ. Үүнд нь сонсогчдын хайрыг татаж, хит болсон “Drive Through” дуу нь багтсан байна.
Тэрбээр 2017 оны арванхоёрдугаар сард анхны цомгоо гаргасан бөгөөд тэрхүү цомогт “Downtown baby” нь багтжээ. Тус цомогт багтсан дуунууд нь түүний хайрын түүх болон сонсголонтой хоолой, басс аялгууг шингээж олон нийтийн сонорт хүрч байжээ. Bloo амьдралынхаа түүхийг өөрийн өвөрмөц өнгө, хэв маягаар дүрслэн харуулдаг учир сонсогчид түүний хөгжимд илүү дуртай байдаг талаараа дурдаж байжээ.
