Үл хөдлөх эд хөрөнгө зуучлагчид 9.6 тэрбум төгрөгийн ашигтай ажиллажээ

Санхүүгийн зохицуулах хорооны тусгай зөвшөөрөлтэй Үл хөдлөх эд хөрөнгө зуучлал /ҮХЭХЗ/-ын 312 байгууллага 2024 онд үйл ажиллагаа явуулжээ. Энэ нь 2023 оныхоос дөрвөөр нэмэгдсэн үзүүлэлт аж. ҮХЭХЗ-ын байгууллагаас ирүүлсэн тайлангаар нийтийн орон сууцны 1м.кв-ын дундаж үнэ 5.9 сая төгрөг байна. Харин эдгээр байгууллагын худалдсан худалдан авсан үл хөдлөх хөрөнгийн (ҮХЭХ)-ийн талбайн:

• 54 хувийг газар,

• 41.8 хувийг орон сууц,

• 3,4 хувийг арилжааны зориулалтай ҮХЭХ,

• 0.3 хувийг үйлдвэрлэлийн зориулалттай ҮХЭХ, Тусгай зөвшөөрөлтэй мэргэжлийн байгууллагуудаар дамжуулан худалдан борлуулсан ҮХЭХ-ийн үнийн дүнгийн 86 хувийг орон сууц эзэлсэн аж. Харин хэмжээний хувьд:

• 50-аас доош м.кв бүхий 20.2 хувийг,

• 51- 100 м.кв хүртэлх 49 хувийг, • 101-ээс 200 м.кв хүртэлх 20.7 хувийг,

• 201м.кв-аас дээших 12.2 хувийг, Мөн түрээслэх түрээслүүлэх үйлчилгээний ҮХЭХ-ийн талбайн 69 хувийг орон сууц, 26.3 хувийг арилжааны зориулалтай ҮХЭХ, 2.4 хувийг үйлдвэрлэлийн зориулалттай ҮХЭХ, 2.3 хувийг газар тус бүр эзэлжээ. Гэхдээ түрээслэх, түрээслүүлэхэд зуучлуулсан орон сууцны нийт үнийн дүнгийн хэмжээний хувьд:

• 50-аас доош м.кв бүхий 19.4 хувийг,

• 51- 100 м.кв хүртэлх 35 хувийг,

• 101- 200 м.кв хүртэлх 19.8 хувийг,

• 201м.кв-аас дээших 25.8 хувийг, ҮХЭХЗ- ын байгууллагууд 12,426 хэлцлээр 1,797.3 мянган м.кв талбай, 2,850.1 тэрбум төгрөгийн үнэ бүхий ҮХЭХ-ийг зуучлан худалдан шилжүүлжээ. Энэ нь 2023 оныхоос талбайн хэмжээ 12.5 хувиар, үнийн дүн 24.6 хувиар нэмэгдсэн үзүүлэлт болжээ. Тухайлбал:

• 50 м.кв хүртэл 508.5 тэрбум төгрөг,

• 51-100 м.кв хүртэл 760.1 тэрбум төгрөг,

• 101-200 м.кв хүртэл 735.2 тэрбум төгрөг,

• 201 м.кв-аас дээших 846.3 тэрбум төгрөг, Харин ҮХЭХЗ- ын байгууллагууд 8376 хэлцлээр 659.1 мянган м.кв талбай, 234.9 тэрбум төгрөгийн үнэ бүхий ҮХЭХ-ийг зуучлан түрээслүүлжээ. Энэ нь 2023 оныхоос түрээсэлсэн талбайн хэмжээ 9.9 хувиар, үнийн дүн 31.9 хувиар нэмэгдсэн үзүүлэлт болжээ.

Тухайлбал: • 50 м.кв хүртэл 51.9 тэрбум төгрөг,

• 51- 100 м.кв хүртэл 51.3 тэрбум төгрөг,

• 101- 200 м.кв хүртэл 66.1 тэрбум төгрөг,

• 201м.кв-аас дээших 65.5 тэрбум төгрөг, ҮХЭХЗ-ын 101 байгууллага 16.7 тэрбум төгрөгийн ашигтай, 122 нь 7 тэрбум төгрөгийн алдагдалтай, 89 нь ашиг, алдагдалгүй гарсан байна..

Харин энэ салбар 2024 онд 193.2 тэрбум төгрөгийн орлоготой, 183.6 зарлагатай 9.6 тэрбум төгрөгийн цэвэр ашигтай ажиллажээ. Тус байгууллагуудын нийт хөрөнгө 224.6 тэрбум төгрөг байна. Түүний 169.9 тэрбум төгрөг нь эргэлтийн хөрөнгө 54.8 тэрбум нь эргэлтийн бус хөрөнгө, эх үүсвэрийн 181.2 тэрбум төгрөг нь өр төлбөр, 43.4 тэрбум төгрөг нь эздийн өмч байгаа аж. Салбарын нийт хөрөнгийн 77 хувийг 15 компани, 94 хувийг 60 компани бүрдүүлжээ. Нэг байгууллага дунджаар 1 брокер, 4 агенттай ажилласан аж. Тусгай зөвшөөрөлтэй байгууллагуудын 465 хувьцаа эзэмшигчдийн хувь нийлүүлсэн хөрөнгө 7.3 тэрбум төгрөгт хүрчээ. Хувьцаа эзэмшигчдийн 93.8 хувийг иргэд, 3.9 хувийг хуулийн этгээд, 2.4 хувийг иргэн, хуулийн этгээд хамтран эзэмшиж байна гэж СЗХ-ны нэгтгэсэн тайланд дурджээ.