Өнөөдөр болох үйл явдлын тойм:
Монгол Улсын Ерөнхийлөгч У.Хүрэлсүх Бүгд Найрамдах Чех Улсад хийж буй төрийн айлчлал үргэлжилж байна.
8:30 цагт: Зам, тээврийн салбарын хяналтын улсын (ахлах) байцаагч нарыг чадавхжуулах нэгдсэн сургалт ЗТЯ-ны Б байр "Хөсөг" танхимд болно.
9:30 цагт: "Хиймэл оюуны давалгаанд бэлдэх нь" хэлэлцүүлэг Блью скай зочид буудлын Кристал танхимд болно
10:00 цагт: Монгол Улс, БНСУ хооронд байгуулах "Эдийн засгийн түншлэлийн хэлэлцээр" бизнес эрхлэгчдийн оролцоо нээлттэй хэлэлцүүлэг МҮХАҮТ-д болно.
11:00 цагт: Зүүн аймгуудын түймрийн нөхцөл байдал, авч хэрэгжүүлж байгаа арга хэмжээ, тусламж хүргэхтэй холбогдуулан ОБЕГ-т мэдээлэл хийнэ.
19:00 цагт. “Samsara-Тэртээх хоёр зүрх” драмын жүжиг Соёлын төв өргөөний тайзнаа өдөр бүр тоглоно.
Нэгэн цаг үеийн зураач бүсгүйчүүд З.Уянга, Д.Бурдаа, М.Баярмагнай нарын "Өнөөдөр” хамтарсан үзэсгэлэн 3 дугаар сарын 15-ныг хүртэл Г.Занабазарын музейд үргэлжилж байна.
"Гэгээ/Glow" уран бүтээлчдийн хамтарсан үзэсгэлэн энэ сарын 24-ныг дуустал "Норпей Арт" галерейд үргэлжилнэ.
3 дугаар сарын 11-нд Дундговь аймгийн нутгийн зөвлөл, аймгийн ЗДТГ-ын сар шинийн золголт Улаанбаатар хотод болно.
3 дугаар сарын 18-ны өдөр хүртэл "Хайлаас модны доор чамайг хүлээнэ" жүжиг Улсын драмын эрдмийн театрын тайзнаа тоглож байна.
4 дүгээр сарын 1-ний өдөр хүртэл үндэсний хэмжээнд уламжлал болгон зохион байгуулдаг “Харилцан хүндэтгэе” сарын аян үргэлжилж байна.
