ХОТЫН ДАРГА Х.НЯМБААТАРЫН ДАНСЫГ БИТҮҮМЖИЛЖЭЭ

Өнгөрсөн 2024 оны арваннэгдүгээр сарын 15-нд Нийслэлийн Засаг дарга бөгөөд Улаанбаатар хотын захирагч Х.Нямбаатар "Би хэдэн халтар төгрөг цуглуулсан хэдэн ченжүүдээс айхгүй" хэмээн НИТХ-ын ээлжит бус нэгдүгээр хуралдааны үеэр мэдэгдсэн.

Түүний энэ үгэнд "Авто худалдаа, машины бизнес эрхлэгчдийн холбоо" ТББ-аас гомдол гаргаж уг хэрэг шүүхийн шатандаа яваа. Тэгвэл өнөөдөр тойргийн шүүхийн шийдвэр гарч Хотын дарга Х.Нямбаатарын дансыг битүүмжилсэн байна.

Тодруулбал, ажил хэргийн нэр хүндийг сэргээлгэж, 1 тэрбумыг төгрөг гаргуулах тухай нэхэмжлэлтэй иргэний хэргийг хянан шийдвэрлэгдэж дуусах хүртэлх хугацаанд Х.Нямбаатарын эд хөрөнгө буюу мөнгийг нэхэмжлэлийн үнийн дүн болох 1 тэрбум төгрөгийн хэмжээгээр битүүмжлэх арга хэмжээ авах шүүгчийн захирамж гарчээ.