ОБЕГ-ын төсвийг хоёр дахин нэмж, 426 тэрбум болгосон ч 4 алба хаагч дундаа нэг тусгай хувцас хэрэглэдэг
БЗД-ийн 26-р хороонд нэгдүгээр сарын 24-ний шөнийн 01:05 цагт газ тээвэрлэж явсан машин осолд орж, дэлбэрэлт үүссэн. Үүний улмаас онцгой бадлын алба хаагчдын зориулалтын хувцас, бээлий, тоноглол, амьсгалын аппарат зэрэг шаардлагатай зүйлсүүд хангалттай бус, улаан гал руу ордог байж амьсгалын аппаратгүй, ус цацахад шууд хөлддөг, нимгэн хувцас байгааг иргэд олон нийт шүүмжилсээр байгаа юм. Тухайлбал улсын төсвөөс яам бүрд тусдаа төсөв гарган баталдаг. Татвар төлөгчдийн мөнгөөр баталж байгаа уг төсвийн мөнгийг юунд хэрхэн, яаж зарцуулдаг болохоор бодит байдалд алба хаагчид стандарт бус хувцас хэрэглэлтэй ажиллаж байгаа нь тодорхой бус байгаа юм. Тухайлбал Онцгой Байдлын Ерөнхий Газрын дарга Г.Ариунбуян хэлэхдээ "дөрвөн алба хаагч дундаа нэг усны тусгай зориулалтын хувцас хэрэглэдэг" гэдгийг хэлсэн. Тэгвэл уг асуудалтай холбогдуулан ОБЕГ-ын төсвийн талаар Сангийн сайд Б.Жавхлан үг хэлэв.
Тэрээр “Шадар сайдын багцад багтдаг Онцгой байдлын ерөнхий газрын 2023 оны төсөв 212 тэрбум төгрөг байсан. Харин энэ онд 426 тэрбум төгрөг болгож нэмэгдүүлсэн. Үүнээс хөрөнгө оруулалтыг хасаж урсгал зардлыг нь тооцвол 2023 оных нь 156 тэрбум төгрөгөө ихсэж байна. Харин ирэх оных 216 тэрбум буюу 40 хувиар нэмэгдсэн байгаа юм.
2024 онд Батлан хамгаалах яам болон ОБЕГ, цэрэг хүчний байгууллагын алба хаагчдын норм хангамжтай холбогдох урсгал зардлыг 2023, 2024 онуудад нэмсэн. Дээрээс нь тоног төхөөрөмжүүдийн хувьд шинээр нэмэгдсэн орж ирсэн 17.2 тэрбум төгрөгөөр худалдан авалт хийх бүрэн боломжтой. Барилга байгууламжийн хувьд өнгөрсөн онд 7.5 тэрбум, ирэх онд 21.5 тэрбум төгрөг болж байна. Энэ зөвхөн улсын төсвөөс оруулах хөрөнгө оруулалт. Гадаадын тусламж нь 2023 онд 30.1 тэрбум төгрөг байсан бол ирэх онд 100 тэрбум төгрөг болж байгаа” гэжээ.
