Дүнжингаравын осолд холбогдсон З.Мөнхнарангийн төрсөн аав, дүү нь шүүхээс ял авч байжээ
Өнгөрсөн нэгдүгээр сарын 24-ний шөнө Дүнжингарав захын баруун урд уулзварт Дашваанжил ХХК-ийн эзэмшлийн, байгалийн хий ачиж явсан том оврын цистерн "Ниссан патроп" суудлын автомашинтай мөргөлдөж, ноцтой осол гарсан. Уг ослын улмаас Онцгой байдлын гурван алба хаагч газар дээрээ нас барсан бол нэг хүн бэртлээ даахгүй эмнэлэгт нарс бараад байна. Одоогийн байдлаар 10 гаруй хүн түлэгдэж, эмнэлэгт эмчлүүлж байгаа билээ. Үүнээс гадна ойролцоо байсн "Эдү" апартмент бүхэлдээ шатаж, 60 гаруй айл эд хөрөнгөөрөө хохирч, ойролцоо байсан 30 гаруй автомашин шатаад байгаа юм.
Үүнтэй холбогдуулан тухайн осолд холбогдсон жолооч Ч.Рэнчиндорж, Э.Мөнхнаран нарыг 01.24-ний шөнө түр сатуулж, ослын нөхцөл шалтгааныг тогтоох ажиллагааг явуулж байна.
Тэгвэл осолд холбогдсон "Ниссан патрол" суудлын автомашины жолоочийн талаар танилцуулъя.
Осолд холбогдсон "Ниссан патрол" маркийн автомашиныг жолоодож явсан Э.Мөнхнаран нь ам бүл дөрөв, эхнэр хүүхдүүдийн хамт амьдардаг. Тэрээр БХЯ-ны Барилга захиалагчийн алба Төрийн Өмчит Аж Ахуйн тооцоот Үйлдвэрийн газарт захирлаар ажилладаг байна. Осолд холбогдох үедээ унаж явсан "Ниссан Патрол" маркийн автомашин нь байгууллагын нэр дээр бүртгэлтэй байжээ.
Түүний аав Содномбалжирын Эрдэнэ нь Хэнтий аймгийн Бор-Өндөр сумын VI багийн Засаг даргаар ажиллаж байхдаа тус сумын Засаг даргын Тамгын газрын санхуугийн албаны даргаар ажиллаж байсан Б.Г-тай бүлэглэн худал тоо, мэдээлэл, тодорхойлолт гаргах замаар бусдыг "Малчдын хөдөлмөр эрхлэлтийг дэмжих хөтөлбөрт хамруулж, эрх мэдэл, албан тушаалын байдлаа урвуулан ашигтаж бусдад давуу байдал бий болгосон гэмт хэрэг үйлдэж байжээ.
ХЭНТИЙ АЙМГИЙН БОР-ӨНДӨР СУМ ДУНДЫН ШҮҮХ С.Эрдэнэд "Эрүүгийн хуулийн тусгай ангийн 22.1 дүгээр зуйлийн 1 дэх хэсэгт заасан нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж бусдад давуу байдал бий болгосон гэмт хэргийг үйлдсэн гэм буруутайд тооцож ял ногдуулсан гэх мэдээлэл Шүүхийн мэдээллийн санд байна.
Мөн Э.Мөнхнарангийн дүү Эрдэнийн Мөнхдөл нь 2016 оны арванхоёрдугаар сарын 26-ны өдөр Баянгол дүүргийн Эрүүгийн хэргийн Анхан шатны шүүхийн 06 дугаар Шийтгэх тогтоолоор "Эрүүгийн хуулийн тусгай ангийн 181 дүгээр зүйлийн дүгээр зүйлийн 181.2.1 дэх хэсэг, "Бусдыг илтэд үл хүндэтгэн хүч хэрэглэж, нийгмийн хэв журмыг ноцтой зөрчин, догшин авирлаж танхайрах гэмт хэрэг үйлдсэн" гэмт хэрэгт буруутай нь тогтоогдож, гурван жил нэг сарын хорих ялаар шийтгүүлсэн мэдээлэл Шүүхийн нээлттэй эх сурвалж дээр тавигджээ.
"Дашваанжил газ" ХХК-ийн цистерн машины жолооч Ч.Рэнчиндорж
"Дашваанжил газ" ХХК-ийн цистерн машиныг жолоодож явсан Чулуунбаатарын Рэнчиндорж нь 1963 онд төрсөн, бүрэн дунд боловсролтой. Жолооч мэргэжилтэй, В. С. О. Е ангилалтай, "Аюултай ачаа болон овор ихтэй, урт хүнд ачаа тээврийн мэргэшсэн жолооч бөгөөд 40 гаруй жил жолоочоор ажиллажээ.
1984 онд 21. настайдаа Авто тээврийн удирдах газарт жолоочоор ажилд орж, 20 жил тасралтгүй ажилласан. 2004-2008 онд МТТ тээвэр зуучийн газар, 2008-2019 онд СОПОТ тээвэр зууч компанид жолооч, 2019 оноос хойш "Дашваанжил газ" ХХК-д жолоочоор ажиллаж байна.
Урьд нь ямар наган хэрэг, асуудалд орж байсан тухай нээлттэй мэдээлэлгүй байна.
