Монголын эдийн засагт нэмж 1.5 тэрбум ам доллар оруулах бүтээн байгуулалт эхэлж байна

Гашуунсухайт-Ганцмод хил дамнасан төмөр зам нь 1-р зэрэглэлийн, 1520 мм өргөн цариг, 1435 мм нарийн царигийн хос замтай болох бөгөөд Монгол Улсын нүүрсний экспортын хэмжээ, тээвэр логистикийн чадавх, эдийн засгийн өсөлтөд томоохон түлхэц болно.

Энэхүү бүтээн байгуулалт эхэлснээр Засгийн газар хоорондын хэлэлцээрээр тохирсон Монгол, Хятадын хилийн боомтууд болох Шивээхүрэн-Сэхээ, Бичигт-Зүүнхатавч, Ханги-Мандал боомтууд төмөр замаар холбогдох нөхцөл бүрдэж байна.

Бүтээн байгуулалт:  

• Төмөр замын нийт урт 19.5 км,
• Гүүрийн урт 9.4 км, өндөр 8-28м,
• Төсөвт өртөг 902 тэрбум төгрөг,
• Санхүүжүүлэгч ЭТТ ХК,
• Гүйцэтгэгч БНХАУ-ын CRCC групп,

Эдийн засгийн ач холбогдол:

• Ачаа эргэлт 2 дахин нэмэгдэнэ,
• Нүүрсний экспорт 83-165 сая тн болж өснө,
• Жилд 1.5 тэрбум ам.долларын нэмэлт орлого олно,
• ДНБ 2 дахин, 1 хүнд ногдох ДНБ 10.000 ам.долларт хүрнэ,

Замын-Үүдээс хойш 70 жилийн дараа хийгдэж байгаа хил холболтын 2 дахь төмөр замын бүтээн байгуулалт юм.