Л.Оюун-Эрдэнэ огцрох өргөдлөө өгөх амлалтаасаа буцсан. Хэрэв огцорлоо гэхэд Х.Нямбаатарыг Ерөнхий сайд болгох, Женко Х.Баттулгыг оролдохгүй байх зэрэг нөхцөл тавьж, тохироо хийж эхэлжээ
Энэ сарын 14-нд эхэлсэн “Огцрох амархан” жагсаал 10 дахь өдрийнхөө нүүрийг үзэж байна. Жагсагчдын зүгээс тавьсан гол шаардлага нь Ерөнхий сайд Л.Оюун-Эрдэнийг ёс зүйн хариуцлага хүлээж огцрох байсан бөгөөд өнгөрсөн 7 хоногийн Лхагва гаригт /2025.05.21/ МАН-ын Бага хурал хуралдаж Ардчилсан намыг Засгаас гаргах, Л.Оюун-Эрдэнэ өөрийн хүсэлтээр огцрох өргөдлөө өгөх шийдвэрүүд гарсан. Гэвч өнөөдрийг хүртэл Ерөнхий сайд Л.Оюун-Эрдэнэ огцрох өргөдлөө өгөөгүй байна.
Эх сурвалжийн мэдээлсэнээр тэрээр өргөдлөө өгч огцрох амлалтаа умартаад зогсохгүй намаа, “ах” нараа “шантаажилж” эхэлсэн байна. Тодруулбал, Л.Оюун-Эрдэнэ өөрөө огцорлоо гэхэд өөрийн үеэл, Хотын мэр Х.Нямбаатарыг дараагийн Ерөнхий сайдаар томилох талаар тохироо хийж, нөхцөл тавьж эхэлсэн аж.
Түүнчлэн шатахууны үнэ гэнэт 200 төгрөгөөр нэмэгдсэн явдал Л.Оюун-Эрдэнэ нарын зүгээс авч буй хариу арга хэмжээ /шантааж/-ний нэг хэлбэр ч гэж болохоор байгаа юм. Ямартай ч Женко Х.Баттулгатай хүзүү сээрээрээ холбогдсон МАН-ын үеэлүүд улс төрийн эрх мэдлээ тийм ч амархан тавьж туухгүй нь тодорхой болоод байна. Хамгийн гол нь үүнээс үүдэх улс төр, эдийн засгийн үр дагавар хэр удаан, хаа хүртэл үргэлжлэх бол гэдэг асуудал юу юунаас чухал юм.
