Ч.Ундрал, Т.Өөдөө хоёр “Херо” Б.Баатараас болж маргалдав
Нэгэн цагт жүжигчин, хөтлөгч Т.Өөдөө Ч.Ундрал хоёр хамтлаг байгуулж, Оросын “Тату” хамтлагийн жишгээр уран бүтээл туурвиж, 2000-аад оны эхэн үеийн рок попын тайзнаа цахиур хагалж байв.
Тэгвэл эртний хамтрагчид Ч.Ундралын экс нөхөр “Херо” Б.Баатараас болж ширүүхэн маргалджээ. Т.Өөдөө цахим хуудастаа Ч.Ундралын экс нөхөр “Херо” Б.Баатарыг “...бидний төлсөн татвар дээр тарвалзаж, хамсаатнууддаа жаахан “хусам долоолгоод” амыг нь барьж, улс Монголоор тоглож байгаад нь үнэн зэвүү хүрч байна. Эцэг нэгт “бро” нь одоо зүгээр огцор. Яасан ханаж цаддаггүй шунал вэ” хэмээн бичжээ.
Харин Ч.Ундрал экс нөхрөө өмөөрөн
- “Цагтаа зөндөө л зүйл хамт хийж нэвтрүүлгийг чинь хүртэл анх монтажилж, зургийг нь хүртэл авч өгч байсан даа хонгор минь”
- Зураг мураг авч өгөөгүй шдээ, ирж дээрэлхэж доромжилж л байсныг санаж байна. Маш муу хүн дээ гэж л боддог доо. Надад огт тус мус болоогүй ээ, ашиглаж л бсан байх. Чамайг ч бас яаж их гомдоов? Муухай.
- Аан за тэгж боддог бол өөрөө, бүх л хүнд тус л болж явдаг байсан даа би бол хүүгийнхээ аавд гомддоггүй ээ” хэмээн маргацгаажээ.
Ч.Ундрал “Херо” Б.Баатараас туурга тусгаарлаад удаж буй. Өдгөө Монголын кино урлагийн үндэсний зөвлөлийн даргын алба хашиж буй Ч.Ундрал дуулиант салалтаасаа хойш өөрөөсөө дүү залуу болох “Хит”-ийн Д.Давааням агсны хүү Д.Даваадоржтой ханилж, хөөрхөн охинтой болсон байдаг. Харин Т.Өөдөө “Miss Universe” тэмцээнийг зохион байгуулагч Г.Эрхэмбаяр хэмээх хархүүтэй сууж, ажин түжин амьдрах болсон.
Улс төрийн хэрүүл сайн найзуудыг хүртэл сайн муугаа дуудалцахад хүргэдэг хорвоод бид амьдарч байна.
