Хөшигний ард: Л.Оюун-Эрдэнэ Д.Амарбаягалангаа бойкотолж эхлэв үү?
Өнгөрсөн Баасан гаригт өргөдлөө өгч, өөрийн хүсэлтээр огцрох ёстой байсан Ерөнхий сайд Л.Оюун-Эрдэнэ өнөөдрийг хүртэл өргөдлөө өгөх нь бүү хэл чуулганаасаа чөлөө хүссэн байдалтай, Монголын улс төрийн амьдрал бүхэлдээ асуулт, эргэлзээн дунд өрнөж байна.
УИХ-ын чуулган ээлжит бусаар хуралдаж буй. Бодвол Л.Оюун-Эрдэнэ чуулгандаа хүрэлцэн ирж огцрох өргөдлөө өгнө гэсэн тооцоо, горьдлоготойгоор ээлжит бусаа зарласан биз ээ. Харамсалтай нь эрхэм гишүүн Л.Оюун-Эрдэнэ өнөөдрийн чуулганаас чөлөө хүссэн нь тэрээр тийм ч амар цагаан тугаа өргөөд, Ерөнхий сайдын суудлаа өгчихгүй гэдгийг харуулж байгаа юм.
Эх сурвалжуудын мэдээлсэнээр бол Ерөнхий сайд намынхаа гишүүдийн өмнө амалсан шигээ өөрийн хүсэлтээр чөлөөлөгдөхийн оронд эцсээ хүртэл нэгийгээ үзэхээр шийдсэн байна. Тодруулбал, Ардчилсан намынхныг тоглолтод татан оролцуулж улмаар огцрох асуудлаа УИХ-ын түвшинд хэлэлцүүлж, нэг удаа итгэл үзүүлээч гэдэг хувилбараар суудлаа авч үлдэх төлөвлөгөө боловсруулж байгаа аж. Энэ тохиолдолд Ардчилсан нам бусад жижиг намуудаа бодвол хамгийн олон суудалтай нөгөө талаар Засагт уригдаж орчихоод хөөгдөж гарахгүй гэдэг дээрээ гишүүдийн олонх нь санал нэгдвэл Л.Оюун-Эрдэнийн талд дийлэнх кноп төвлөрөх магадлалтай. Үүнийг тооцоолж буй болов уу.
Гудамжны жагсаал үргэлжилсэн хэвээр, гэхдээ жагсагчид хийгээд жагсагчдын зорилго өөрчлөгдсөн нь УИХ тар гэдэг уриа лоозонг хашгирч эхэлсэн нь сонирхолтой. Магадгүй Л.Оюун-Эрдэнэ сөрсөн базаа хийж Д.Амарбаясгалангаа бойкотолж эхлэв үү гэж дүгнэж болохоор улс төрийн үйл явц өрнөж байна.
Д.Амарбаясгалангийн тухайд нийслэлийн намын хороог Д.Сумъяабазартай булаацалдаж төдийгөөс өдий хүртэл улс төрийн далд тэмцэл өрнүүлж ирсэн учраанууд. Д.Сумъяабазар гэдэг нь нөгөө талдаа Х.Нямбаатар гэсэн үг. Өөрөөр хэлбэл МАН-ын Сонгины фракцийнхны гарт орсон нийслэлийн МАН-ын хороо ах намын тал нь гэсэн үг. За яахав, Ерөнхий сайдынх суудал сэнтийгээ өгчихье, харин тийм том хүчийг өөртөө агуулж буй Нийслэлийн намын хороогоо Сонигоны фракци тийм ч амар тавиад туучихгүй.
Товчхондоо өнөөдрийн улс төрийн үйл явц, тэмцэлдээн дан ганц Л.Оюун-Эрдэнийн хүслээр биш Х.Нямбаатар, Д.Сумъяабазар цаашилбал Засгаас хөөгдөх дээрээ тулаад буй АН-ынхан бүр цаашилбал цоохор дээлт Х.Баттулга гээд олон эрх ашиг бүхий тоглогчид орж ирснээр, тэдний эрх ашиг хөндөгдөж байгаа учраас эцэс төгсгөлгүй, яах нь тодоохойгүй нөхцөл байдал дунд өрнөж байна.
З.Жав
