“Төмс” Зоригоогийн эхнэр шашны бизнест улайрав

Онлайн шопчид од болдог цагт хэн нь инфлюнсер хэн нь хулхи бараа зардаг наймаачин гэдгийг ялгаж салгахаа болилоо. Шашны дэлгүүр нээж лам нараас ухаалаг юм ярьж суугаа “Төмс” Зоригоогийн эхнэр олныг гайхашруулаад байна.

Нөгөө аравнайлсан зулын шар тос гэдэг ламын зурагтай савтай тос шиг л юм болж байна. Удахгүй гэр бүлийнхээ хөргийг хүзүүнд зүүдэг сахиус шиг хэвлээд үүнийг л зүүвэл баяжина гэсэн ч авах хүмүүс гарах шинжтэй. Талх талхаа идье гэж нэг сайхан үг бий. Муу сайн хэлүүлдэг ч манай бурханы шашны хуврагууд, гэгээнтнүүд бас арай ч ингэж тархи угаалт хийж байгаагүй юм. Шашин угтаа нийгмийн ард иргэдийн сайн сайхны төлөө болохоос ашгийн бус зүйл шүү дээ. Бурхан шашнаар буруу сэтгэлтэй хүн бизнес хийж хөлжвөөс хэдэн үедээ дааж давахгүй нүгэл хураана гэдэг нь хар ухаанаар бодоход ойлгомжтой зүйл. Мөнгө сайхан, мөнгө гоё. Гэсэн ч оролдох ёсгүй хэмжээ хязгаартай зүйл гэж бий. Шашин бизнес биш. Энэ дэлхийд хүнийг аврах ямар ч сахиус амилсан бурхан байхгүй бөгөөд гагцхүү хүний урд насны үйлийн үр, одоо цагт хураасан буяны хэмжүүр нь өнөөгийн амьдралынх нь тусгал. Бид ч шүүлтүүртэй байхгүй бол тархиа угаалгах, үхрийн баас ч авчраад өвчин анагаагч гээд зарсан итгэхээр гэнэн хүмүүс дийлэнх болчихоод байна шүү.