М-Си-Эс группийн татварт өгдөг 1,3 их наядаар 209 шинэ сургууль, 409 шинэ цэцэрлэг, 3х3 сагсны 1000 шинэ талбай барих боломжтой
Ухаа худаг ордоос үүдээд MCS групп, тэр дундаа Ж.Оджаргал хамгийн баян, бас хамгийн харамч гэх тодотголыг сүүлийн хэдэн өдөр бишгүй хүртэв. Тавантолгойн бүлэг ордын 4 хувь болох Ухаа худаг ордтой MCS групп 1993 он буюу Монгол улсыг зах зээлийн эдийн засагт шилжиж байх үед үүсэн байгуулагдсан өдгөө 13 мянган үндсэн ажилтантай Монголдоо тэргүүлэх хувийн хэвшлийн групп компани. Ж.Оджаргал, Ж.Од нарын удирдан явуулдаг MCS-ийнхэн жилдээ 1,3 их наяд төгрөгийн татвар төлж, НДШ-д сард 12,7 тэрбум төгрөг төвлөрүүлдэг байна. Тухайлбал 2024 онд татварт төлсөн 1,3 их наяд төгрөг нь 320 хүүхдийн 209 шинэ сургууль, 150 хүүхдийн 409 шинэ цэцэрлэг, 3х3 сагсны 1000 шинэ талбай болох хэмжээний зардал. Бүр цаашилбал дөрвөн аймгийн төсөвтэй дүйцэхүйц мөнгийг татварт өгдөг тооцоолол гарч байгаа юм.
Монгол Улсын ДНБ-ний 9% бүрдүүлж, нийт татварын орлогын 4,8%-ийг дангаараа хангана гэдэг тийм ч бага дүн биш. 32 жилийн хугацаанд улсын төсвийн хүнд ачааг хэр их нимгэлж өгдөг байсан нь дээрх тоо баримтуудаас харагдах биз.
