"Ногоон" автобусны хэргээр сонсгол явуулж, Ж.Бат-Эрдэнэ удирдана

Ногоон автобусны асуудалтай холбоотойгоор УИХ-ын дарга Г.Занданшатар нийслэлийн нийтийн тээвэр, газрын асуудлаар УИХ-ын Хянан шалгах түр хороо байгуулах чиглэл өгсөн. Тус түр хороог УИХ-ын гишүүн Ж.Бат-Эрдэнэ даргалахаар болжээ.

Өнгөрсөн онд нийслэлээс нийтийн тээврийн парк шинэчлэлийн хүрээнд 100 ширхэг ногоон автобус оруулж ирсэн. Гэвч эдгээр ногоон автобусыг худалдан авах гэрээнээс эхлэн будлиан үүсэж, шинэ автбус бус хуучин автоусыг өндөр үнээр авсан нь тогтоогдсон. Тухайлбал тендерт шалгарсан “Тэнүүн-Огоо” ХХК БНСУ-ын “Daewoo” үйлдвэрээс хуучин автобус оруулж ирсэн байж болзошгүй нөхцөл байдал тогтоогдож, өдгөө шалгуулж байгаа юм.

Энэ хүрээнд 2023 оны арваннэгдүгээр сард ногоон автобусны хэргээр 11 иргэний 16 объектод нэгжлэг хийж, 27 хүнд эрүүгийн хэрэг үүсгэж, яллагдагчаар татсан.

Түүнчлэн тус автобуснуудыг үйлдвэрийн технологийн бус аргаар угсарч хийгдсэн гэдгийг тогтоосон юм. Тус хохирлын хэмжээг 134,5 тэрбум төгрөг гэж тогтоожээ.