12 жилийн настай метроны олон улсын нээлттэй тендерийг өнөөдөр ЗАРЛАНА
Метроны төслийн гүйцэтгэгчийг сонгон шалгаруулах олон улсын нээлттэй тендерийг өнөөдөр зарлана гэдгийг Хотын дарга Х.Нямбаатар мэдэгдсэн.
Ингэхдээ Японы олон улсын хамтын ажиллагааны байгууллага болох ЖАЙКА-ийн өмнө хийж байсан урьдчилсан ТЭЗҮ-д тулгуурлаж тендер зарлах юм байна. Өнөөдөр уг тендерийг 12:00 цагт зарлана.
2024 онд метроны бүтээн байгуулалтад 333 тэрбум төгрөг төсөвлөөд байгаа юм.
Энэ тухай Хотын дарга, "Метрог эсэргүүцэж Монгол Улс хөгжчих вий, дээшлээд дэвшчих вий гэсэн атгаг санаатнууд, элдэв эрх ашиг нь хөндөгдсөн хулгайч нар гадна дотны захиалгаар над руу дайрч давшилж байна.
Энэ хавар энэнээс ч илүү юм үзэх юм шиг байна. Энэ мэт нь намайг мохооно гэвэл бүтэхгүй гэдгийг хэлье. Метро барьчихвал Монгол Улс сүйрнэ дампуурна гээд байгаа хүмүүст хэлэхэд, метрог бид өөрсдөө барихгүй. Гадаадын инженерингийн компани ажлын даалгавар, техникийн тодорхойлолтыг боловсруулж тендерээр шалгарсан гадаадын гүйцэтгэгч компанид хяналт тавьж бариулна." гэж байсан юм.
