Түлхүүрийн нүхээр: Аллагын шүүх хурлыг Тэмээний баяраар аргадсан хачирхалтай нэгдүгээр сарын дуулиан
Монгол Улсын эв нэгдлийн илэрхийлэл Ерөнхийлөгч өнгөрсөн 7 хоногийн аймшигт үйл явдалтай зэрэгцэн хэн нэгнийг зэмлэж зандарсангүй. Таавчигтай ээж гарч ирэхэд Засгийн газар огцорч байсан тэр үе манай улс төр нийгмийн уялдааны оргил байжээ. Бэрийн цүнх бас нэг засаг авч хаясан. Өнгөрсөн 7 хоногт Ерөнхий сайд огцрох байтугай АНУ-д явж байлаа.
16 настай охины хэргийн шүүх хурлаас өмнөхөн СУИС-ийн хүчирхийлэл ил болсон учраас шүүх хурал бараг дарагдан алдав. Бид ч тоггүй мунгинаад хэцүүхэн 7 хоног дууслаа. Шүүх хурал ч дуусаж СУИС-ийн дуулиан ч зэрэг намжсан. Тог ч тасарсангүй. Харин Ерөнхийлөгч Дундговь аймагт Тэмээний баярт морилон саатлаа. Бид нэг л тайван налайв. Юу ч болоогүй мэт ямар ч хачирхалтай үйл явдал болоогүй мэт.
