"Бүх одод"-ын барилдаанд жүжигчин Амгаа, дуучин Д.Намсрайноров, модель С.Эрдэнэцогт нар оролцоно
Үндэсний алтан цомын “Бүх оддын барилдаан”-д оролцох 14 бөх өчигдөр /2024.03.11/ хоёр багт хуваагдсан билээ.
Даян аварга Н.Батсуурийн багийг улсын гарди Д.Рагчаа дасгалжуулах бөгөөд бүрэлдэхүүнд нь улсын заан Б.Бат-Өлзий, гарди Ц.Бямба-Отгон, үнэн зоригт харцага Б.Зоригтбаатар, начин Д.Амарсайхан, Э.Сумъяабат, Э.Батмагнай нар багтжээ.
Тэгвэл улсын аварга П.Бүрэнтөгсийн багт аварга О.Хангай, улсын арслан Р.Пүрэвдагва, заан Б.Пүрэвсайхан, М.Лхагвагэрэл, харцага О.Мөнх-Эрдэнэ, С.Сүхбат нарыг сонгожээ.
Энэ үеэр урлаг, спортынхноос бүрдсэн холимог оддын барилдаан зохион байгуулагдана.
Уг барилдаанд урлаг, спортоор олны танил болсон арван хүн тав таваараа хоёр баг болж, хуваагдсан юм. Багуудыг үзэгчдээс хамгийн олон санал авсан улсын аварга О.Хангай, үнэн зоригт харцага Б.Зоригтбаатар нар дасгалжуулна.
О.Хангай аваргын багт дуучин Д.Намсрайноров, Ц.Отгонбаяр, хөлбөмбөгийн үндэсний шигшээ баг, “Хоромхон” клубийн довтлогч Н.Наранболд, “ТВ Коктейль”-ийн жүжигчин А.Өнөржаргал, фитнесс модель С.Эрдэнэцогт нар багтсан байна.
Харин улсын харцага Б.Зоригтбаатарын багт 2021 оны Монголын мистер Т.Батнасан, Монгол Улсын манлай уяач О.Батболд, олимп, дэлхийн аваргын хүрэл медальт, гавьяат тамирчин Д.Отгондалай, жүжигчин О.Амгаланбаатар, дуучин Д.Найдандорж нар багтсан байна.
