Тэнгисийн эргээр зугаалж явсан Д.Батбаяр нарт холбогдох хэргийн шүүх хурал маргааш болно
Сумогийн их аварга Д.Батбаяр дуучин Т.Баясгалантай ханилаад багагүй хугацааг үдсэн. Гэвч тэдний хамтын амьдрал шүүхийн өмнө дуусгавар болж, тус тусын амьдралаа хөөж буй. Т.Баясгалан урлагтаа эрэн ирж, хуучны хамтрагч С.Жавхлангийн тоглолтод дуулсан нь өнгөрсөн намрын сенсаци байв. Харин Д.Батбаяр тэнгисийн эрэгт залуу амрагтайгаа зугаалж яваа нь цахим орчинд шуугиад амжсан.
Тэгвэл өрх тусгаарласан тэдэнд холбогдох эрүүгийн хэргийн шүүх хуралдаан маргааш буюу гуравдугаар сарын 15-ны өдрийн 10 цагт товлогджээ.
Сануулахад, Улсын дээд шүүхийн Эрүүгийн хэргийн танхимын нийт шүүгчийн хуралдаанаар Д.Кёкүшюзанбатбаяр, Т.Баясгалан, Н.Болормаа, Б.Цэрэндорж нарт холбогдох хэргийг хохирогчийн төлөөлөгч, итгэмжлэгдсэн төлөөлөгч, шүүгдэгч Д.Кёкүшюзанбатбаяр, Т.Баясгалан, Б.Цэрэндорж нарын өмгөөлөгчдийн гаргасан гомдлыг үндэслэн хяналтын шатны шүүх хуралдаанаар хэлэлцүүлэх эсэхийг 2023 оны 10 дугаар сарын 4-ний өдөр хэлэлцэж, Эрүүгийн хэрэг хянан шийдвэрлэх тухай хуулийн 40.1 дүгээр зүйлийн 1 дэх хэсэгт заасан хяналтын журмаар гомдол, эсэргүүцэл гаргах үндэслэлд шүүгдэгчдийн өмгөөлөгчид болон хохирогчийн төлөөлөгч, итгэмжлэгдсэн төлөөлөгч нарын гаргасан гомдол хамаарахгүй тул уг хэргийг хяналтын шатны шүүх хуралдаанаар хэлэлцүүлэхээс татгалзаж шийдвэрлэсэн байдаг.
