Т.Доржханд ХҮН-ын төлөөлөл биш эвслийн төлөөлөл гэдгээ мэдэж байгаа
Наймааны хөгшин морь шиг болсон ХҮН, түүний дарга Т.Доржханд “Манай нам парламентад суудалтай улс төрийн хүчин. Бид нар хүчтэй сөрөг хүчин” хэмээн цээжээ дэлдэж байгаа ч үнэндээ биш юм. Яагаад гэхээр ХҮН нь өнгөрөгч 2020 оны сонгуульд Монголын Социал Демократ нам, Ёс зүйн намуудтай “Зөв хүн электорат” эвсэл болж орсон учраас Т.Доржханд нь ХҮН-ын төлөөлөл биш эвслийн төлөөлөл гэдгээ мартдаг бололтой.
Тэрбээр олон намуудын хүч, олон мянган хүний зүтгэлээр парламентад орж ирчихээд зөвхөн ХҮН-ынхаа нэрийг авч яваад бусдыг хөсөр хаясан хүн. Тэгэхээр айсуй сонгуулиар хамтарч сонгуульд орсон намууд болон бусад улс төрийн хүчнүүд ч Т.Доржхандад итгэхгүй, нэгдэхгүй. Түүнд МАН-ыг далдаас дэмжихээс өөр арга үлдээгүй.
Мөн сонгогчдыг хулхидсан. Тэр 2020 оны сонгуульд эвсэл болон орохдоо мэдлэг боловсролтой, өөрийн гэсэн үзэлтэй залуусын нэгдэл, “Зөв хүн электорат” хэмээн сурталдаж байсан ч үнэн хэрэгтээ парламентад орж ирсэн цагаас хойш өнөөх өндөр мэдлэг болдовсрол бүхий залуусаа намтар ч үгүй, сураг ажиг ч үгүй хаясан.
Эцэст нь ХҮН-аар шагайх хүнгүй болж, загвар өмсөгч хүртэл “хөлсөлж” байгааг бид харж байна. Тэгээд ч Т.Доржханд УИХ-д орж ирсэн цагаасаа хойш МАН-ын үг хүсэл болсон хүн. Энэ нь үзэл бодлоо дагаж, саналаа өгсөн сонгогчдынхоо голыг нь гогдоход хүргээд байгаа. Өнгөрөгч хугацаанд эрх баригчдын олон томоохон акцыг дэмжиж ирснийг ард түмэн мэднэ. Энэ удаагийн сонгуулиар ч тэд эрх баригчдыг дэмжиж оролцоно.
С.БАЯР
