УИХ-ын гишүүн Б.Батбаатар намын дотоод зөрчлийн улмаас Р.Батболдыг бүх байнгын хорооноос хасуулах хүсэлтийг УИХ-ын даргад тавьсан ч хүлээж авсангүй
ИЗНН-ын дотоод зөрчил, хагаралдаан МАН-ын хагарлаас дутахааргүй хурцдаж байна. Парламентад суудалтай дөрвөн гишүүн нь яг тэнцүү хуваагдчихсан харагдана. Өнгөрсөн сард /2026.03.09/ ИЗНН хоёр талд хуралдаж намын дарга Б.Батбаатар нь гишүүдтэйгээ Улаанбаатар чуулгад баярын хурлаа хийсэн бол нөгөө талд С.Батбаатар тэргүүтэй гишүүд нь онц их хурал хийж намын даргаараа Р.Батболдыг сонгосон байдаг.
Ийнхүү хоёр даргатай болсон тус нам тамга тэмдгээ булаацалдсаар өнөөдрийг хүрч байна. Энэ асуудал даамжирсаар УИХ-ын гишүүн Б.Батбаатар намын гишүүн Р.Батболдыг бүх байнгын хорооноос хасуулах хүсэлтийг өнөөдөр /2026.04.17/ УИХ-ын даргад тавьжээ. Гэвч УИХ-ын дарга С.Бямбацогт уг хүсэлтийг хүлээж аваагүй аж.
Үүнтэй холбоотойгоор УИХ-ын гишүүн М.Нарантуяа-Нара “Р.Батболд МАН-ынханд худалдагдсан” хэмээн хүчтэй шүүмжилж байгаа юм.
