Ерөнхийлөгчийн хуулийн эргэн тойронд: “Кноп” хэд хүрэв

Өнөөдөр төрийн ордон ихээхэн өрнөлтэй өнжлөө. УИХ-ын ээлжит чуулганы хуралдаанаар Ерөнхийлөгчийн санаачилсан “УИХ-ын гишүүдийг эгүүлэн татах” хуулийн төслийг УИХ-аас хэлэлцэх асуудлаар санал хураав. Хуралдаанд 126 гишүүний 101 нь оролцож тэдний 57 нь дэмжсэнээр энэхүү хуулийн төслийг анхны хэлэлцүүлэгт бэлтгэхээр боллоо. Хуулийн төслийг 57 гишүүн дэмжсэн бол 43 гишүүн дэмжээгүй юм.

УИХ-ын чуулган эхэлмэгц гишүүд УИХ-ын даргатай ам зөрж түүнийг “парламентын дархлааг хамгаалахгүй МАН-ын эрх ашгийн талд зогслоо” хэмээн хүчтэй шүүмжиллээ.

Тэгвэл тус хуулийн төслийг хэлэлцэхийг дэмжээгүй УИХ-ын гишүүдийг задалж үзье.

МАН-ын цөөнхийн бүлэг гэгдэж байгаа Л.Оюун-Эрдэнийн талын 20 гишүүн,

Д.Амарбаясгалан
А.Ариунзаяа
Х.Баасанжаргал
О.Батнайдал
Ж.Бат-Эрдэнэ
Э.Болормаа
Х.Булгантуяа
М.Ганхүлэг
Ц.Даваасүрэн
Ц.Идэрбат
М.Мандхай
Ч.Номин
Л.Оюун-Эрдэнэ
П.Сайнзориг
О.Саранчулуун
Б.Тулга
Д.Энхтүвшин
М.Энхцэцэг
Н.Алтаншагай
Б.Баярбаатар

Иргэний Зориг Ногоон Намын 2 гишүүн

М.Нарантуяа-Нара
Б.Батбаатар

Хүн намын 4 гишүүн

П.Ганзориг,
Б.Найдалаа,
П.Наранбаяр,
Л.Энхнасан

Ардчилсан намын 13 гишүүн дэмжээгүй санал өгчээ

Л.Гантөмөр
Н.Алтанхуяг
С.Ганбаатар
Б.Жаргалан
Ч.Лодойсамбуу
Л.Мөнхбаясгалан
Х.Тэмүүжин
О.Цогтгэрэл
С.Цэнгүүн
Ө.Шижир
Г.Очирбат
Э.Одбаяр
С.Эрдэнэболд

Нөгөөтэйгүүр, УИХ-ын гишүүн М.Нарантуяа-Нара УИХ-ын дарга С.Бямбацогтыг огцруулах акц эхлүүлнэ гэдгээ хатуу илэрхийллээ.

Ерөнхийлөгчид загнуулж “шийдвэрээ өөрчилсөн” гишүүд

Ерөнхийлөгчийн хуулийн төслийг “дэмжих, дэмжихгүй” дундын байр суурьтай байсан гишүүдийг өчигдөр Ерөнхийлөгч бүгдийг нь дуудаж загнаж, шахсан тухай яриа ч хийсэж явна. Тэдний нэгд УИХ-ын гишүүн Дав.Цогтбаатар багтаж байгаа талаар УИХ-ын гишүүн М.Нарантуяа-Нара онцолсон. Түүнийг Ерөнхийлөгчтэй ял наймалцаж кнопоо худалдсан хэмээсэн.

Учир нь Дав.Цогтбаатар нь шүүхээс ял сонсож, парламентаас хөөгдөх дээрээ тулсан гишүүдийн нэг. Тодруулбал, Хөгжлийн банкны зээлийн хэлтсийн дарга байхдаа бусдад давуу эрх олгосон хэргээр шүүхээс ял сонсож, УИХ-ын гишүүний бүрэн эрх нь хөндөгдөж байсан юм.

Намтраас нь харвал 2016-2020 онд Хөгжлийн банкны Зээлийн хэлтсийн даргаар ажиллаж байсан. Энэ хугацаандаа албан тушаалаа урвуулан ашиглаж бусдад давуу эрх олгосон нь нотлогдсон. Хэргийг нь шүүх дэнсэлж нийтийн албанд томилогдох эрхийг нь хоёр жилээр хасаж, 20 сая төгрөгөөр торгох ял оноосон.

Улмаар 2025-05-17-нд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхээс Хөгжлийн банкны хэргээр ял сонссон шүүгдэгч нарт холбогдох хэргийн анхан шатны шүүхийн шийтгэх тогтоол, давж заалдах шатны шүүхийн магадлал, Дээд шүүхийн тогтоолд гүйцэтгэх хуудас бичиж, ял шийтгэгдсэн хүмүүсийг ялыг эдлүүлэхийг зөвшөөрч байгаа талаарх албан бичгийг ШШГЕГ-т хүргүүлсэн байдаг.

Гэсэн ч Дав.Цогтбаатар "Надад 20 сая төгрөг төлөх шүүхийн тогтоол ирээгүй" гэж мэлзсээр өнөөдрийг хүрч ирсэн. Тийм ч учраас Дав.Цогтбаатар нь Ерөнхийлөгчтэй тохиролцож түүний хуулийн төсөлд дэмжих санал дарсан үгүй нь анхаарал татаж байгаа юм.

Хоёрдугаарт, УИХ-ын чуулганыг таслалт, хоцролтоороо тэргүүлдэг Халтмаагийн Баттулга Ерөнхийлөгчийн хуулийн төслийг дэмжихгүй гэдгээ ил тод илэрхийлж байсан гишүүн. Гэтэл өнөөдөр тэр бас л чуулганы хуралдаанд оролцсонгүй. Шалтгаан нь гадаад томилолттой гэнэ. Үнэн хэрэгтээ түүнийг Ерөнхийлөгчтэй мөн л тохиролцсон байж магадгүй гэх яриа бий.

Ерөнхийлөгчийн хуулийг “улаан цээжээрээ” хамгаалж буй гишүүд