Л.Мөнхбаясгалан: С.Баярцогтыг эсэргүүцэж АН-ын жирийн гишүүдээ уриалан тэмцэлд гарна

Өнөөдөр АН-ын Улс төрийн зөвлөл хуралдаж Ерөнхий нарийн бичгийн даргын үүрэг гүйцэтгэгчээр хэнийг томилох асуудлыг хэлэлцэж байна. Уг хурлаар АН-ын Ерөнхий нарийн бичгийн даргын үүрэг гүйцэтгэгчээр Сангийн сайд асан С.Баярцогтын нэрийг санал болгожээ.

Энэ талаар УИХ-ын гишүүн Л.Мөнхбаясгалан цахим хуудсаараа байр сууриа илэрхийлэв. Тэрбээр, “Сангажавын Баярцогтыг Ардчилсан намын Ерөнхий нарийн бичгийн даргын үүрэг гүйцэтгэгчид санал болгожээ. Хэрэв ингэх юм бол АН-ын жирийн гишүүдээ уриалан тэмцэлд гарна даа. С.Баярцогтоос болж нам ялагдахыг хэрхэвч хүлээн зөвшөөрөхгүй! Энэ нөхөр АН-ыг 2027 оны Ерөнхийлөгчийн сонгууль, 2028 оны УИХ-ын сонгуульд ялагдуулах зорилготой, хэвтүүлж өгөх даалгавартай. Эх орноо зарсан энэ урвагчаас юу хүлээх юм бэ” гэжээ.