Иргэний шилжилт хөдөлгөөнийг дөрөвдүгээр сарын 29-нөөс эхлэн хязгаарлана
Энэ оны зургаадугаар сарын 28-нд УИХ-ын сонгуулийн санал хураалт болно. Тэгвэл УИХ-ын сонгуультай холбоотойгоор түр хугацаанд иргэдийн шилжилт хөдөлгөөнийг хязгаарладаг. Үүнтэй холбогдуулан Улсын бүртгэлийн ерөнхий газраас дараах мэдээллийг өглөө. Тодруулбал,
"УИХ-ын сонгуулийн тухай хуулийн 25,1 дэх хэсэгт зааснаар "Иргэний шилжилт хөдөлгөөнийг санал авах өдрөөс 60 хоногийн өмнө зогсоож, санал авах өдрийн дараах өдрөөс сэргээнэ" хэмээн заасан. Иймд,
Шилжилт хөдөлгөөний бүртгэлийг 2024.04.29-өөс эхлэн зогсоох бөгөөд 2024.06.29-ний өдрөөс эхлэн сэргээх юм. Тиймээс иргэд та бүхэн дээрх хугацаанаас өмнө шилжилт хөдөлгөөний бүртгэлээ хийлгэнэ үү" хэмээн мэдээллээ.
