"The Mongolz" дэлхийн чансаанд 20-д бичигдэж эхэллээ
The MongolZ баг дэлхийн чансаанд 19 байраар урагшилж 20-д бичигдэж эхэллээ. Тэдний урд Astralis, ард нь алдарт Heroic гэх мэт багууд жагсаж байна. Ингэснээр Азийн чансааг эргэн тэргүүлж эхэллээ.
“CS2” тоглоомын томоохон тэмцээн зохион байгуулагчдын нэг “ESL”-ийн зүгээс шинэчилсэн чансаагаа өчигдөр танилцуулсан.
Азийн чансааг хэдхэн хоногийн өмнө Хятадын “Lynn Vision Gaming” баг тэргүүлж байсан бол “The MongolZ” Атлантад үзүүлсэн сайн тоглолтынхоо ачаар эргэн Азийн номер нэг баг боллоо. Ийнхүү тэд ирэх оны нэгдүгээр сарын 31-ний өдөр эхлэх 2023 оны “IEM Katowice” тэмцээнд тивээ төлөөлөн оролцох эрхтэй болж байна.
