Л.Энх-Амгалан сайдаас хариуцлага нэхье!

Л.Оюун-Эрдэнэ сайдын хэтэвчний үүргийг гүйцэтгэдэг 3 сайд засагт байгаа. Эхнэрийн тоо нь арав нэмэх, улсдаа төмөр зам түрээслүүлдэг солиотой баян Б.Дэлгэрсайхан аль ч төрд тэнгэрийн умдаг нь байж ирлээ. Тэр Сү.Батболдын фракц.“Оргил” Ж.Ганбаатарын мөнгөний оргил угаасаа харагддаггүй. Өөрөө ч мэдэхгүй байх, дансны үлдэгдлээ, байнга өсдөг. М.Энхболдын фракцаас орж ирсэн ганц сайд, мөнгөн бороо оруулж Л.Оюун-Эрдэнийн ам руу алтан халбагаар хоол хийх шахам хүн бол Л.Энх-Амгалан. Мөнгөөр түрий барьж сайд болох салбар байж болох ч тэр нь боловсролын салбар л биш шүү. Маш эмзэг шүү дээ.

Хүүхдүүд цоожтой хаалганы цаана бүлтэлзэж байхад, амиа алдаж байхад эрхэм сайдтан би таксаа төлчихсөн, намайг хэн ч буулгаж чадахгүй гээд нойртой хонож болохгүй ээ. Гаргасан шийдвэрээ эргэж харах, хэрхэн засаж залах вэ гэдгийг эрхэм ерөнхий сайд Л.Оюун-Эрдэнэ энэ эрх баян баачкадаа хэлмээр байна аа. Та нарыг огцор гэсэнгүй. Төрсөн ээж таавчигтай эмнэлгээс гарахад ерөнхий сайд бууж байлаа. Хүүхдийн амь нас алдаатай шийдвэрээс болж эрсэдсэн байхад сайд нь эмгэнэл ч илэрхийлэхгүй мэдээгүй царайлж өнгөрөөж болох уу. Ямар ч ар талгүй ч мөнгөөр томорсон хүмүүстээ ажлаа хэрхэн зөв зүйтэй хийх сургалт ч болсон төлбөртэй явуул л даа. Хүндэт намын ах нарын балга ард түмний нуруун дээр буугаад баймааргүй байна. Л.Энх-Амгалан сайд минь ээ фэйсбүүкийн лайкны араас улайралгүй ажлын араас улайраач ээ, гуйя. Яасан сурдаггүй толгой вэ, хэзээ сайд шиг ажиллах юм бэ.