“Алтай дамнасан тогтвортой байдлын яриа хэлэлцээ” олон улсын чуулга уулзалт эхэллээ
Монгол Улсын Их Хурал, АНУ-ын Стэнфордын их сургууль, БНСУ-ын “Бан Ги Мүн” сан хамтран зохион байгуулж буй энэ удаагийн чуулга уулзалт “Тогтвортой хөгжлийн зорилго 16: Энх тайван, шударга ёс, бат бэх институт” сэдвээр хоёр өдөр болох юм.
Чуулга уулзалтад Монгол Улсын Их Хурлын дарга Г.Занданшатар, “Бан Ги Мүн” сангийн тэргүүн, НҮБ-ын найм дахь Ерөнхий нарийн бичгийн дарга Бан Ги Мүн, манай улсад айлчилж буй Киргиз улсын парламентын дарга Нурланбек Шакиев оролцож байна.
Мөн Унгар улсын Үндэсний Ассамблейн дэд дарга Лежак Шандор, Казахстан улсын парламентын Сенатын гишүүн, Казахстан-Монголын парламентын найрамдлын бүлгийн гишүүн Рахметова Асем Калашбаева, АНУ-ын Стэнфордын их сургуулийн Ази-Номхон далайн судалгааны төв, Солонгос судлалын хөтөлбөрийн захирал, Социологийн ухааны профессор Жи Вук Шин нарын өндөр хэмжээний зочид төлөөлөгч, нийт 11 улсын 300 гаруй төлөөлөгч оролцож байна.
