Ерөнхийлөгчийн зөвлөх Д.Бум-Очир МАН-ын жагсаалтын 15 дугаарт бичигдэж байна
УИХ-ын 2024 оны сонгуульд оролцох нам, эвслүүд жагсаалт болон тойрогт өрсөлдөх нэр дэвшигчдээ эцэслэн тодруулсан. Тэгвэл МАН-ын хувьд намын жагсаалтад Засгийн газрын гишүүн болон УИХ-ын гишүүдийг багтаагаагүй нь олны анхаарлыг татаад байгаа юм. Тэгвэл тус намын жагсаалтад Ерөнхийлөгчийн хоёр ч зөвлөх багтжээ. Тодруулбал, 15 дугаарт Ерөнхийлөгчийн Соёл, шашны бодлогын зөвлөх Д.Бум-Очир, 23 дугаарт Боловсрол, шинжлэх ухаан, технологийн бодлогын зөвлөх Ч.Лодойравсал нар бичигдсэн байна.
Ерөнхийлөгчийн Соёл, шашны бодлогын зөвлөх Д.Бум-Очирын тухайд 1993-1996 онд Монгол хэл, бичгийн дээд сургуулийг Монгол-англи хэлний багш мэргэжлээр, 1996-1997 онд Монгол Улсын их сургуулийн Гадаад хэл, соёлын сургуулийн герман хэлний курс төгссөн.
1996-1998 онд ХБНГУ-ын Боннын их сургууль болон Монгол Улсын их сургуулийн Монгол хэл, соёлын сургуульд Хэлбичгийн ухааны магистрын зэрэг, 1998-2000 онд Монгол Улсын Шинжлэх ухааны академийн Хэл зохиолын хүрээлэнд Хэлбичгийн ухааны докторын зэрэг, 2000-2001 онд ИБУИНВУ-ын Кэмбрижийн их сургуульд Нийгэм-соёлын антропологийн магистрын зэрэг, 2002-2006 онд ИБУИНВУ-ын Кэмбрижийн их сургуульд Антропологийн ухааны докторын зэргийг тус тус хамгаалжээ.
