Нүүрсний сонсгол: Хотын дарга асан Д.Сумъяабазарыг гэрчээр дуудсан ч ирсэнгүй
Нүүрсний сонсголын хоёр дахь шат тав дахь (2023.12.22) өдрөө үргэлжилж байна. Өнөөдрийн сонсголоор эхлээд хяналт шалгалтаар илэрсэн бусад асуудлын талаарх 6 сэдвийн хүрээнд нотлох баримтыг шинжлэн судлах бөгөөд холбогдуулан 55 гэрч дууджээ.
Нотлох баримтыг шинжлэн судлах эхний сэдвээр “Эрдэнэс Тавантолгой” ХК-д Таван толгой ордын Бортээгийн уурхайд хөрс хуулалт, нүүрс олборлолт, өрөмдлөг, тэсэлгээ, нүүрс баяжуулах үйлчилгээ үзүүлэгчийг сонгон шалгаруулах /Эрдэнэс тавантолгой майнинг ХХК/ асуудлыг хэлэлцэнэ. Үүнд нийт 17 гэрчийг дууджээ. Тэгвэл үүнтэй холбогдуулан Улаанбаатар хотын Засаг дарга асан Д.Сумъяабазарыг гэрчээр дуудсан ч ирээгүй байна.
