Сонгууль-2024: 1-р тойрогт өрсөлдөх АН-ынхан
Улс төрийн нам, эвслүүдийн дунд хамгийн халуухан, ширүүхэн өрсөлдөөн гарч болох 1-р тойрог буюу хангайн бүс нийт 9 мандаттай. 126 гишүүнтэй болох учир энэ тойрогт олон мандат гаргаж өгсөн. Тухайлбал нүүрсний хулгайн хэрэгт холбогдсон ганц эмэгтэй гишүүн А.Адъяасүрэн, “Бидон” Д.Ганбат, хуульч О.Алтангэрэл, уяач П.Мөнхтулга, “лайвчин” Д.Мөнх-Эрдэнийн дүү Д.Цогтбаатар, “босоо” хочит С.Ганбаатар, Ерөнхийлөгчийн туслах асан Д.Жаргалсайхан, Архангай аймгийн нийслэлийн газрын албаны дарга асан Э.Болорчулуун, Өвөрхангай аймгийн харъяат Г.Хосбаяр гэх хүмүүс дурайж байна.
Ажваас эл тойрогт “Женко” Х.Баттулгын сойсон дөрвөн хүн бий. Тэд өнгөрсөн хаваржингаа хэлхэлдэн, тойргоороо бишгүй л гүйсэн. Үүн дээр нэмэгдээд Архангай, Өвөрхангай аймгаас уяач тэргүүтэй залуу горилогчдыг сонгожээ. Гэвч олны таних одоогийн УИХ-ын гишүүдээс өөр тодрох дүр АН-ын нэр дэвшигчид дунд алга. Ажил, мэргэжил, боловсролоор нь дүгнэвээс УИХ-д гарах толгой энэ намд ховорджээ.
