Дорноговь аймагт лицензийн тоогоор улсдаа тэргүүлж байна

Засгийн газраас таван Ш ажиллагааны хүрээнд Ашигт малтмалын ордыг ашиглах тусгай зөвшөөрөл эзэмшигчдийн мэдээллийг ил болгосон. Тэгвэл өнөөдөр ашигт малтмалын ашиглалттай холбоотой сонсгол өнөөдөр эхэлж буй. Өнөөдрийн сонсголд нийт 61 хүнийг гэрчээр дуудсан. Тэгвэл ашигт малтмалын нийт лицензийн тоогоороо Дорноговь аймагт 344 лиценз олгогдсоноор улсдаа тэргүүлж байна. 

ДОРНОГОВЬ АЙМАГТ АШИГТ МАЛТМАЛЫН 344 ЛИЦЕНЗ ЭЗЭМШИГЧ БАЙНА   

Говийн бүс дотроо Өмнөговь, Дорноговь аймаг улсын төсөвт орлого төвлөрүүлдэг гол аймгууд. Тиймдээ ч газрын тос, уран, жоншийн нөөц ихтэй Дорноговь аймаг лицензийн тоогоороо улсдаа тэргүүлж байгаа юм. Тус аймагт нийт 344 лиценз байгаагийн хайгуулын 133 ашиглалтын 211 лиценз байна. 

Нийт 1,030 мянган га газар олгосон газар олгосон бол үүнээс хайгуулын 762,672 га, ашиглалтын 267,378 га газар байна. 

ДОРНОГОВЬ АЙМГИЙН ХАМГИЙН ИХ ЛИЦЕНЗИЙГ “МОНГОЛРОСЦВЕТМЕТ” ТӨҮГ ЭЗЭМШИЖ БАЙНА  

Тус аймагт нийт 263 байгууллага лиценз эзэмшиж байна. Хайлуур жонш, үнэт металл болон бусад төрлийн ашигт малтмал олборлодог Монгол, Оросын хамтарсан “Монголросцветмет” ТӨҮГ тус аймгийн хамгийн их лицензийг эзэмшдэг байна. “Монголросцветмет” ТӨҮГ-ын захирлаар Б.Мөнхбат ажилладаг. Сарын 4.5 сая төгрөгийн цалинтай хэмээн цалингаа голонгуй гоморхож байсан түүх түүнд бий. Тухайлбал тус компани Монгол улсын жоншийн 30 хувийг үйлдвэрлэж байгаа юм. Тэгвэл үүний араас "МАК" ХХК, "МАК цемент" болон "Их говь энержи" компаниуд удаалж байна. 

Орон нутагт ашигт малтмалын хайгуул судалгаа, олборлолтын үйл ажиллагаа явуулах хөрөнгө оруулагчдын тоо 1997 оноос хойш тасралтгүй өссөөр ирсэн.

Тухайлбал Дорноговь аймагт 2015, 2016 онд хайгуул, ашиглалтын лиценз 50, 60-аараа олгогджээ. 

Тэгвэл 344 лицензээс 2024 онд 43, 2025 онд 63 лиценз дуусах аж. 

Хамгийн их лицензтэй Дорноговь аймагт байрлах орд газруудыг дараах компаниуд ээмшиж байна.  

-Улаанбадрах сумын Дулаан уулын ураны орд, Францын "Арeво" групп
-Мандах сумын Цагаан суваргын зэс молибдены орд, "МАК" ХХК
-Хатанбулаг сумын Элстэйн төмрийн хүдрийн орд, “Мон-Лаа” ХХК
-Даланжаргалан сумын Элдэвийн нүүрсний орд, "МАК" ХХК
-Өргөн сумын шохой чулуу, цеолитын орд, цементийн үйлдвэр “Сэнж сант” ХХК