“The MongolZ”-ийнхон Абу Дабигийн тэмцээнд түрүүлж, 200.000 ам.долларын шагнал хүртлээ

Арабын Нэгдсэн Эмират Улсын Абу Даби хотод болсон 400 мянган ам.долларын шагналын сантай “Ялла Компасс-2024” тэмцээнд Монголын “The MongolZ” түрүүлж, 200 мянган ам.долларын шагнал хүртжээ.

Тэмцээнд урилгаар оролцсон Монголын “The MongolZ” баг финалын тоглолтод “Ninjas in Pyjamas” багийг 2:1-ээр буулган авснаар түрүүлсэн юм. Уг тэмцээнд 12 баг хоёр хэсэгт хуваагдан өрсөлдсөн бөгөөд манай залуус “А” хэсгийг тэргүүлжээ. Багууд хэсэгтээ тойргийн журмаар өрсөлдөж, хамгийн олон хожилтой гурван баг хасагдах шатанд шалгарсан юм.

“MongolZ”-гийн залуус хэсэгтээ “Sashi Esport”, “ENCE”, “Ninjas in Pyjamas”, “HEROIC” багийг хожиж, багуудыг хожиж “Astralis”-д хожигдсон юм. Ингээд дөрөв хожиж, нэг хожигдсон амжилтаар хэсгээ тэргүүлэв. Улмаар хагас шигшээ хэсэгтээ хожигдсон “Astralis”-тай дахин таарч, 2:1-ээр буулган авсан байна