Х.Булгантуяагийн гоё шийтгэл

Ардын намд албан тушаалын аль амттай, хүчтэйдхүрч, эрхэлдэг хэдэн эмэгтэй бий. Тэдний нэг нь УИХ-ын гишүүн, УИХ-ын Дэд дарга Х.Булгантуяа. 

Тэрбээр, улстөрд хөл тавихдаа л даргын сэнтийгээс гараагаа эхэлсэн түүхтэй нэгэн. Тодруулбал, намын Нарийн бичгийн даргаар гурван жил ажиллаж байгаад 2016 оны үес шууд л Сангийн дэд сайдын сэнтийд заларсан. Улмаар 2020 онд УИХ-ын гишүүн болж, УИХ дахь МАН-ын бүлгийн Дэд даргын албыг давхар хаших болсон билээ. Улмаар 2023 оны гуравдугаар сард Боомтын сайдаар томилогдож, ердөө сар гаруйн дараа Ардын намын дэргэдэх “Социал демократ эмэгтэйчүүдийн холбоо”-ны Ерөнхийлөгчөөр сонгогдсон юм. Дараа нь Хөдөлмөр нийгмийн хамгааллын сайд болж, 2024 оноос буюу өдгөө УИХ-ын дэд даргын суудалд залраад буй.

Товчхондоо, дөрөвхөн жилийн дотор МАН-аас хүртэж болох сайд, даргын сэнтийг тасралтгүй эзэгнэжээ. “МАН-ын тэргүүн хатагтай” гэгдэтлээ асар дардан замаар өгссөөр ирсэн гэсэн үг. 

Өдгөө харин сайдын суудал аваагүй ч, УИХ-ын дэд даргын ямбаар шагнуулсан нь учир жанцантай аж. 

Тодруулбал, 2024 оны УИХ-ын сонгуулийн дараа тойргоос сонгогдсон гэдгээрээ түрий барьж сайдын суудал руу ахин зүтгэж. Гэвч Хөдөлмөр нийгмийн хамгааллын сайдаар ажиллаж байх үедээ 1.3 тэрбум орчим төгрөгийн асуудал гаргасан байж болзошгүй хэрэгт нэр холбогдсон “шуум” намынх нь дотоодод хийсэж явна. Намын дотоод хяналт шалгалтын хүрээнд дээрх асуудал буюу ТББ-аар мөнгө гаргаж авах замаар “сонгуульдсан” нь ил болж, улмаар энэ асуудлаа шалгуулах уу, эсвэл сайдын суудлаа өгөх үү гэдэгтээ тулж асуудал өндрөө авсан гэх. Эцэст нь “Сайд бололгүй УИХ-ын дэд даргын суудалд чимээгүйхэн дөрвөн жил суучих” гэх агуулгатай тохирооо хөшигний ард явагдсан байж болзошгүй аж. Улмаар Х.Булгантуяа дээрх буулт нь сайдын суудал биш УИХ-ын дэд даргын зөөлөн сэнтий болж хувирчээ. МАН-ын шийтгэл нь хүртэл даргын суудлын шагнал болон ирж байх жишээтэй. Гоё ёоёо гэдэг шиг арай гоё шийтгэл үү...  

УИХ-ын дэд дарга Х.Булгантуяа хэр хөрөнгөлөг нэгэн бэ?

• Түүний өөрийн орлого 2019 онд Сангийн дэд сайд байхад 30,4 сая төгрөг байж. Харин 2023 онд Боомтын сэргэлтийн Үндэсний хорооны дарга болох үед 91 сая болж огцом нэмэгджээ. 
• Харин орон сууц нь 2016 онд 485 сая төгрөгийн үнэтэй байсан бол 2023 онд хагас тэрбумыг давж, 560 сая төгрөгт хүрсэн байна. 
• Автомашиных нь үнэ харин эсрэгээрээ буурчээ. Дэд сайд байхдаа 75 саяын машин хөлөглөдөг байсан бол сүүлд 45 сая болж буурчээ. 
• Мөн тэрбээр 20 саяын газартай, 236 саяын хадгаламжтай, 

УИХ-ын Дэд дарга хагас тэрбумын байранд амьдардгаас өөр гоёчилж ярихаар зүйл АТГ-т гаргасан ХОМ-т нь алга. Харин өөрийнх нь орлого огцом өссөнөөс өөр өөрчлөлт төдийлөн гараагүй байна. Албан тушаал дамнахын хэрээр түүний хамтрагчид болон гэр бүлийнх нь хүний бизнес цэцэглэж ирсэн баримт дэлгэгдэж байв.

Зургийг: СГЗ Т.Чимгээ

У.Хурц-Үг