Эрдэнэт үйлдвэр хүдэр боловсруулах хүчин чадлаа 40 сая тоннд хүргэлээ
Монгол Улсын төсвийн 12 хувийг бүрдүүлдэг уулын баяжуулах “Эрдэнэт”үйлдвэр өнөөдөр /2024.12.13/ баяжуулах үйлдвэрийн нунтаглах хэсгийн өргөтгөлийн 4-р шугамыг ашиглалтад орууллаа. Ингэснээр боловсруулах үйлдвэрийн хүчин чадал жилд 8 сая тонноор нэмэгдэж жилд 40 сая тонн болж нэмэгдэх байгаа аж.
Тус үйлдвэр 1978 онд анх 4 сая тон хүдэр боловсруулах хүчин чадалтай ашиглалтад орж байсан бол 46 жилийн дараа 40 сая тонн болж хүчин чадлаа нэмэгдүүлж байна. Дашрамд дуулгахад “Эрдэнэт” үйлдвэр нь жилд 5 тонн молбидний баяжмал, 580 мянган тонн зэсийн баяжмал экспортод гаргадаг аж.
