С.Цэнгүүн VS Х.Баттулга /Л.Мөнхбаясгалан/
УИХ дахь АН-ын бүлэг мэдээлэл хийх үеэр УИХ-ын гишүүн С.Цэнгүүн "Ажиллах хүчинтэй холбоотой олон талын асуудал байгаа нь үнэн. Гэхдээ айсан хүнд аргал хөдлөнө гэгчээр асуудлаас нь холдуулаад Хятад цустай, Хятадын дарангуйлал ирэх гэж байна гэж гүтгэлэг тарааж, олон нийтийг турхирч байгаа нь байж боломгүй зүйл. Цахилгаан станц баривал Чайна таун бий болчихно гэж дайрсаар байгаад бид эрчим хүчний төслүүдээ зогсоож байсан.
Маш олон төслүүдийг харийн дарангуйлал орж ирэх гэж байна гэж айдаст автуулж байгаад зогсоодог жишиг байсаар байна. Монголын хөгжлийг гацаасан хүмүүс УИХ-ын гишүүн хийгээд байсаар л байгаа" хэмээсэн нь шуудхан УИХ-ын гишүүн Х.Баттулга, Л.Мөнхбаясгалан нарт хаягласан үгс байлаа. Ингэж хэлж эхэлмэгц Ажиллах хүчтэй холбоотой хуулийн төслийг эрс эсэргүүцэж байсан Л.Мөнхбаясгалан гишүүн шууд хурлын танхимыг орхин гарсан нь ч дээрх хардлагыг баталж өглөө.
С.Цэнгүүн гишүүн цааш үргэлжлүүлэн "Монгол улс хөгжих гэсэн оролдлого болгоныг ингэж зогсоодог байдлыг бид өнөөдөр харж байна. Намайг хүүхэд байхад л ийм байсан, одоо ч хэвээрээ. Бид нар попролоор улсаа удирдуулаад байж болохгүй. Монгол Улс хөгжих ёстой, том төслүүд ч явах ёстой" гэсэн юм.
Эндээс үзвэл АН дотор шинэ үеийнхэн шинэ жигүүр ургуулж Х.Баттулга тэргүүтэй "мояачуудын" эсрэг хүчтэй дуугарч эхэлж буй бололтой.
