Алдарт Дэвид Бекхэмийн эхнэр Бруклин Бекхэм бэртэйгээ муудаж олны анхаарлыг татав

        Кинонд л гардаг гэмээр үлгэр жишээ, эв нэгдлийн бэлгэ тэмдэг хэмээн олон нийтэд үнэлэгддэг Дэвид Бекхэмийн гэр бүл сүүлийн жилүүдэд таагүй ярианы төвд ороод байна. Энэхүү хов живийн гол баатраар тэдний том хүү Бруклин Бекхэмийн эхнэр буюу шинэхэн бэр Никола Пельцийн нэрлэгдэх болсон нь олны анхаарлыг татаж байна.

Дэлхийн хэвлэлүүдийн мэдээлснээр, энэхүү маргаан хуримын бэлтгэл үеэс эхлэлтэй гэнэ. Тодруулбал, Никола Пельц хуримын даашинзаа хадам ээж Виктория Бекхэмийн загварын брэндээс бус, өөр  дизайнероор урлуулсан нь тухайн үедээ таагүй уур амьсгал үүсгэсэн гэх мэдээлэл гарч байв. Тэд уг асуудлыг олон нийтэд няцааж байсан ч “бэр, хадам ээжийн зөрчил” гэх яриа өнөөдрийг хүртэл тасраагүй байна.

Мөн түүнчлэн Бруклин, Никола хоёр Бекхэмийн гэр бүлийн арга хэмжээнд ховор оролцох болж, сошиал сүлжээнд ч бусад гишүүдээсээ зай барьсан мэт харагдах болсон нь хардлагыг улам нэмэгдүүлжээ. Зарим хэвлэлд Николаг Бруклиныг гэр бүлээс нь холдуулж, дотроос нь харилцааг нь хагалж байна хэмээн буруутгадаг бол өөр нэг хэсэг нь түүнийг “өөрийн үзэл бодол, бие даасан байр суурьтай эмэгтэй учраас олон нийтийн анхааралд байнга байдаг, уламжлалт Бекхэмийн гэр бүлийн соёлд дасан зохицоход амаргүй байгаа” гэж тайлбарлав.

Гэхдээ одоогоор Бекхэмийн гэр бүлийн гишүүд энэхүү зөрчлийн талаар албан ёсны мэдэгдэл хийгээгүй байна. Харин Бруклин, Никола хоёр ярилцлагууддаа өөрсдийгөө аз жаргалтай, бие биеэ бүрэн дэмждэг гэдгээ л онцолдог. Дэвид, Виктория Бекхэм нар ч гэр бүлийн эв нэгдэл хамгийн чухал гэдгийг өмнө нь удаа дараа илэрхийлж байсан билээ. Ийнхүү гаднаас нь харахад кино зохиол мэт төгс санагддаг гэр бүл ч бодит амьдрал дээр өөрийн гэсэн сорилт, ойлголцлын асуудалтай тулгардгийг энэхүү нөхцөл байдал харуулж байна.

Тэгвэл Бекхэмийн бэр Никола Пельц гэж хэн бэ?

Никола Пельц нь 1995 онд АНУ-д төрсөн, жүжигчин, модель бөгөөд “Transformers: Age of Extinction” УСК, “Bates Motel” цувралаар олонд танигдсан юм. Түүний аав Нельсон Пельц нь АНУ-ын нэр нөлөө бүхий хөрөнгө оруулагч, тэрбумтан тул Николагийн гэр бүл нийгэм, эдийн засгийн хувьд өндөр байр суурь эзэлдэг. Тэрээр 2022 онд Бруклин Бекхэмтэй тансаг хурим хийж, Бекхэмийн гэр бүлийн албан ёсны бэр болсон билээ.

Бэлтгэсэн: Б.Ариунзаяа