BLACKPINK-ийн Lisa Nike-ийн шинэ нүүр царай болжээ

BLACKPINK хамтлагийн гишүүн Lisa дэлхийн хэмжээний од гэдгээ дахин баталж, спортын хувцас, гутлын шилдэг брэнд Nike-тай урт хугацааны хамтын ажиллагааны гэрээ байгуулжээ. Ийнхүү тэрээр Nike-ийн албан ёсны амбассадор болж, тус брэндийн сурталчилгааны аян, арга хэмжээнүүдэд тогтмол оролцохоор болж байна.

Сүүлийн жилүүдэд Lisa олон салбарт хүч сорьж буй. Дэлхийг байлдан дагуулсан BLACKPINK хамтлагийн гишүүн түүний хувьд 2025 он тун онцгой жил байв. Тэрээр The White Lotus цувралын гуравдугаар улиралд жүжигчний дэбютээ хийн үзэгчдийг гайхшруулж, BLACKPINK-ийн Deadline World Tour-оор хамтлагтаа эргэн нэгдэн, мөн Alter Ego нэртэй анхны бие даасан цомгоо гаргасан юм.

Nike-тэй хамтран ажиллах болсон нь Lisa-г дэлхийн загварын томоохон icon-ы нэг гэдгээ дахин нотолж байна. 

Үүний зэрэгцээ Lisa Nike-ийн SKIMS брэндтэй хамтарсан NikeSKIMS кампанит ажлын нүүр царай болж, балетаас сэдэвлэсэн хувцас, гутал, аксессуар бүхий шинэ коллекцийн сурталчилгаанд оролцсон нь фэнүүдийн сонирхлыг татаж байна.

Мөн New York-ын streetwear брэнд болох Kith Lisa-г 2026 хаврын коллекцийн анхны “Guest Designer”-оор урьж, хамтарсан дизайны цуглуулга гаргахаар болжээ.

Lisa өмнө нь олон брэндтэй хамтран ажиллаж байв. Тухайлбал Bvlgari, MAC Cosmetics, Celine зэрэг брэндийн нүүр царай болж байсан бол 2024 онд Louis Vuitton-ын албан ёсны House Ambassador болж байсан бөгөөд брэндийн зарим сурталчилгаанд хамтран ажиллаж байжээ. 

Түүний жилийн орлого хэдэн сая ам.долларт хүрдэг гэж үнэлэгддэг байна. Түүний орлогын ихэнхийг BLACKPINK-ийн уран бүтээл, дэлхийн хэмжээний тоглолтууд, соло төслүүд, стримингийн ашиг, мөн тансаг болон спортын брэндүүдтэй байгуулсан сурталчилгааны гэрээнүүд бүрдүүлдэг байна.

Албан ёсны тоо нийтэд ил болдоггүй ч Lisa нь K-pop салбарын хамгийн өндөр орлоготой уран бүтээлчдийн нэгт зүй ёсоор тооцогддог юм.