Өмгөөлөгч Р.Булгамаа “Монголчуудыг дорд үзэж байгаа Солонгосчуудын визгүй зорчуулах шийдвэр хүчингүй болгуулахаар” шүүхэд хандана гэв

Өмгөөлөгч Р.Булгамаа БНСУ-ын иргэдийг визгүй зорчуулах тухай шийдвэрийг хүчингүй болгох талаар шүүхэд хандана гэж мэдэгдлээ.

Тэрбээр, “БНСУ-ын хил дээр Монгол Улсын иргэдтэй зүйбус, доромжилж харьцах байдал дахин дахин үргэлжилсээр байвал "БНСУ-ын иргэдийг визгүй зорчуулах" тухай шийдвэрийг хүчингүй болгуулахаар Захиргааны хэргийн шүүхэд хандах болно  Энэ бол тусгаар тогтносон Монгол Улсын Хууль ёсны эрхийн төлөөх үйл хэрэг байх болно” гэв.

Одоогоос дөрвөн жилийн өмнө БНСУ-ын иргэд Монгол Улсад 90 хоногийн хугацаанд визгүй зорчих нөхцөл бүрдсэн. Энэ шийдвэрийг тухайн үеийн Байгаль орчин, аялал жуучлалын сайдын алба хашиж байсан Б.Бат-Эрдэнэ санаачилж байлаа. Хэрэв энэ шийдвэр хэрэгжвэл, Өмнөд Солонгосоос ойрын гурван жилийн дотор хамгийн багадаа 577 мянган жуулчин ирэхболомжтойг Элчин сайдын яамнаас мэдэгдэж байв.

Улмаар Солонгосын иргэд олноор ирж аялж  зугаалж, тэр ч бүү хэл K-pop одууд хүртэл манай улсад ирж бие даасан тоглолтоо хийдэг болсон. Энэ бол Монголын нэр хүндэд төдийгүй эдийн засагт хүртэл эерэг үр дагавартай.

Харин иргэдийн бухимдаж буй нэг шалтгаан нь сүүлийн жилүүдэд БНСУ-д зорчиж буй Монгол иргэд хил дээрээс буцаагдах тохиолдол нэмэгдэж байгаа. Гадаад хэргийн яамны мэдээлснээр, иргэд виз авсан ч хилээр нэвтрэх эрх нь баталгааждаггүй, учир нь хилдээр байрлах тухайн улсын хилийн алба, гаалийн алба, цагаачлалын алба эцсийн шийдвэрийг гаргадаг байна.

Хил хамгаалах ерөнхий газрын мэдээлснээр:

• 2023 онд 1487 иргэн,
• 2024 онд 1804 иргэн,
• 2025 оны 08 сарын 4-ний байдлаар 716 иргэн БНСУ-ын хилээс тус тус буцаагдсан байна.

Харин 2025 оны хагас жилийн байдлаар нийт 62 мянган иргэн БНСУ-ын хил рүү нэвтэрсэн гэсэн тоон мэдээлэл байгаа юм. Монголчуудын хил дээрээс буцаж байгаа гол шалтгаан нь “зорилго тодорхойгүй” гэх шалтгаан байдаг байна. Мөн энэ асуудлын гол гогцоо нь Монголчууд Солонгосын хил даваад бидний хэлж заншсанаар “харладаг” асуудал. Одоогоор БНСУ-д 55000 орчим монгол иргэн байгаагаас 19000 орчим нь хууль бусаар оршин суудаг аж. Уг асуудлаар Монгол Улсаас БНСУ-д суугаа Элчин сайд С.Сүхболд тус улсын Гадаад хэргийн яамны консул, аюулгүй байдлынзахирал Юн Чусок-той уулзжээ.  Ингэхдээ, Монгол Улсын “иргэдийн гадаадад чөлөөтэйз орчих нөхцөлийг хязгаарлахгүй, Солонгосын зохих журам, шалгуурын дагуу визтэй бол хил дээрээсбуцаахгүй, Хилийн шалган нэвтрүүлэх явцад гар утсны үзлэгийг зогсоох” зэрэг шаардлагыг тавьсан байна.

Тэгвэл БНСУ-д Суугаа Бүрэн Эрхт Элчин сайд С.Сүхболд гэж хэн бэ?

Олон улсын гэрээ, эрхзүйн газрын захирал асан Сүхээгийн Сүхболд БНСУ-ын суух бүрэн эрхт Элчинсайдаар 2024 онд томилогдсон. Тэрбээр 1976 онд Сэлэнгэ аймагт төрсөн, олон улсын харилцааны мэргэжилтэй. Гадаад харилцааны чиглэлээр 23 жилажилласан туршлагатай. Орос, Англи хэлний мэдлэгтэй.

Ажиласан байдал

• 1999 онд ГХЯ-ны ОУБГ-ын мэргэжилтэн
• 2000-2007 онд ГХЯ-ны Гэрээ, эрх зүйн газартатташе, гуравдугаар нарийн бичгийн дарга
• 2002-2004 онд Монгол Улс, БНХАУ-ын улсын хилийг2 дахь удаагаа тогтоон шалгах Хамтарсанкомиссын Монголын хэсгийн гишүүн
• 2007 онд НҮБ-ын ЕА-н 62 дугаар чуулганд оролцохМонгол Улсын Засгийн газрын төлөөлөгчдийнбүрэлдэхүүнд гишүүн
• 2007-2010 онд Монгол Улсаас НҮБ-ын дэргэдсуугаа БТГ-т 2 дугаар нарийн бичгийн дарга
• 2010-2012 онд ГХЯ-ны Төрийн захиргааныудирдлагын газрын дэд захирал
• 2012 онд ГХЯ-ны Гэрээ, эрх зүйн газрын захирлынүүрэг гүйцэтгэгч
• 2012-2015 онд ГХЯ-ны Төрийн захиргааныудирдлагын газрын захирал
• 2015-2020 онд Монгол Улсаас НҮБ-ын дэргэдсуугаа Онц бөгөөд Бүрэн эрхт Элчин сайд, НҮБ-ынБайгаль орчны хөтөлбөрийн дэргэд суугааБайнгын төлөөлөгч
• 2020 онд ГХЯ-ны Олон улсын гэрээ, эрх зүйнгазрын зөвлөх
• 2020 оны 12сарын 7-ноос ГХЯ-ны Олон улсынгэрээ, эрх зүйн газрын захирал