Викториа Бекхэмийн шинэ Hermes Kelly Ugg-ийн өвлийн гутлыг санагдуулав
Загварын хатан хаан гэгддэг Викториа Бекхэм 3-р сарын 6-нд болох "Намар/өвөл 2026" шоугаа угтан Парисын загварын 7 хоногт оролцохоор Парист газардлаа.
Тэрээр өөрийн нэрийн брэндийнхээ улаан өнгөтэй өндөр захтай ноосон цамц, урдаа хуниастай, өндөр суудалтай шаргал өмд өмсөн дулаахан бөгөөд дэгжин төрх бүрдүүлжээ. Хар нарны шил, алтлаг цаг, шовх хоншоортой бор туфль гээд аксессуарууд нь ч мөн түүний гарын үсэг болсон минимал, цэгцтэй хэв маягийг илтгэнэ.
Гэвч энэ удаагийн стрит стайлын жинхэнэ онцлох зүйл нь түүний гартаа барьсан ховор, лимитед хувилбарын Hermès Kelly bag байв. Бор илгэн гадаргуутай, цайвар “teddy” ноостой энэхүү Kelly загварыг дизайнер Jean Paul Gaultier 2005 онд Hermès ордонд ажиллаж байхдаа зохион бүтээжээ. Тэрээр 2003-2010 оны хооронд тус брэндийн сонгодог цүнхнүүдэд өөрийн этгээд, авангард өнгө аясыг шингээж, шинэчлэн амилуулсан байдаг.
Жишээ нь, 2008 оны намар/өвлийн коллекцод танилцуулсан "So Kelly" загвар анхны хэлбэрийг эвдэж, том хэмжээтэй, боулинг цүнхийг санагдуулам хэв маягтай болсон бол 2004 оны тайзнаа Kelly Pochette-ийг уламжлалт хэв маягийг эвдсэн, хүчтэй шийдэлтэй төрхтэй хослуулсан нь анхаарал татсан. Мөн цоож, чимэглэл дээр товойлгон хийсэн эффект бүхий Shadow Birkin нь хошигнол, сорилт, ур хийцийн төгс нэгдэл гэгддэг байв.
Викториагийн хувьд Hermès цүнхний арвин цуглуулгатай, тэр дундаа Birkin-үүдээрээ алдартай.
Тухайлбал өнгөрсөн нэгдүгээр сард Францын Соёлын яаманд болсон Chevalier des Arts et des Lettres одон гардуулах ёслолын үеэр тэр болон нөхөр David Beckham нар “his-and-hers” Birkin барьж очсон нь олны анхаарлыг татсан. Викториа гялалзсан бургунд матрын арьсан Birkin сонгосон бол Дэвид аварга том Haut à Courroies Birkin үүрчээ.
Энэ удаагийн ноостой Kelly загвар нь 2000-аад оны дунд үеийн дебютээ хийж байсан шигээ өнөөдөр ч шинэлэг, содон харагдана. Анх харахад бүр UGG-ийн тухтай гутлыг санагдуулж байв. Гэхдээ UGG гутал түүний өдөр тутмын хэв маягт багтдаггүй нь лавтай. Гэхдээ ганцхан удаа, Eva Longoria-ийн бүсгүйн үдэшлэг дээр л өмсөж байсан гэдэг.
