Дэлхийн геополитикийн байдал эгзэгтэй байгаа хүнд үед Н.Учралын Засгийн газарт туршлагатай мэргэжлийн баг хэрэгтэй. "Дадлагажигч” сайдууд хэрэггүй
Ерөнхий сайд Н.Учралыг залуу хүн гэдэг утгаар мэргэжлийн сайдуудтай, чадварлаг баг бүрдүүлэх болов уу гэсэн олон нийтийн хүлээлт өндөр байна. Нөгөөтээгүүр гадаад орчны нөлөөлөл, дэлхийн геополитикийн байдал эгзэгтэй байгаа энэхүү хүнд үеийг ажрахгүй давахын тулд шинэ Засгийн газарт туршлагатай баг маш чухал. Түүнээс биш “дадлагажигч” сайдууд огт хэрэггүй юм.
Ерөнхий сайд Н.Учрал энэ талаар чуулганы хуралдаан дээр дурдсан байдаг. Тэрбээр хэлэхдээ, “Миний хурдыг гүйцэх сайд нарыг танхимдаа урина. Суралцах хугацаа байхгүй. Өмнө нь сайдаар ажиллаж байсан цог золбоотой хэдэн хүн урина” гэжээ.
